أسماني ابي ريحانه

46

مساء  الخير جميعا 💐 ورداتي

رجعت وياكم بلحلقه 46 من اسماني ابي ريحانه

بقلم اختكم ام شبر  ..🦋🦋🦋

اسفه على التأخير بس كلت الكم ظرفي ..

نبتدي باسم الله 💕💕💕

🌺🌺🌺🌺🌺🌺🌺

اليوم جمعه والشباب مثل كل عطله يظلون نايمين ماما تطبخ وعمه يمها على كرسيها المتحرك
واني وود نظف بلبيت خلصنا واتجهنا للكراج او الطارمه ودك جلف بيها خلصنا دخلت سبحت وطلعت ودخلت ورايه وده وماما توصي بينا نشف شعرنا لا يضل رطب ونتمرض لئن ود نحيسه بمرضها

نشفت شعري ولميته بكتر وكعدت ود تنشف بشعرها عيوني عليها وعلى حركاتها تشبهني من جنت بعمرها من جنت اشسور وارتب روحي حتى بس نروح لبيت عمه اميمه
هناك اشوف امجد وكلبي يضل يركص

بتسمت بحسره  واني ادنك راسي على تفكيري الطفولي جنت كل همي يشوفني احلى من فاتن ويحبني اكثر منها

كالت ود : ضحكينا وياج بطه

باوعت الها وكلت : ما كو شي حبيبتي تعالي اضفر شعرج

:لا فدوه خليه هيج تصير بيه كسره وما احبها

: ولج هو حلات الشعر كيرلي

تقربت يمي وكالت : بطه شكد اريد اسألج بس استحي منج

طبطبت على المكان الي بصفي على السرير وكلت : كولي وده محتاجه فلوس شي ؟؟؟!

كعدت : لا ما محتاجه ..بس هيج سؤال شخصي

صغرت عيوني الها وكلت : ود سوالف ماصخه اكول لماما عليج

ضحكت وكالت : لاااااا والله لا ...بس هيج حبيت اسألج هم حبيتي من جنتي صغيره

صفنت بوجها ثواني بعدين كلت : وانتي شكو بهيج سوالف

: بطه اني مو صغيره كبرت والله

اجه بالي امجد من اكله اني كبرت ويكول بعدج صغيره  وعيشي عمرج لا تكبرين نفسج

:هااااا وين رحتي

ضربتها على ايدها : حيوانه جفلتيني

ضحكت وزادتها ضحكتها جمال : ههههههههههههه وين رحتي مو جاي احجي وياج

:اعرف تحجين بس تحجين اكبر من حجمج كومي لا اطيح حضج

: عليج الله بطه عليج الله هم حبيتي قبل ايهم الله يرحمه

باوعت الها وكلت : لا محبيت لئن جنت استحي مو مثلج ادبسزز كومييييي

كامت من يمي تضحك وطلعت بره الغرفه درت وجهي لشباك الغرفه وضليت صافنه ...لا من حبيت امجد حضيت بحبه ولا من حبيت ايهم دام وياي جني بكت كم سنه من هل دنيا كوه وعشت بيهن بفرح وسعاده رغم انحرمت من كلمه ماما بس ايهم جان معوضني كلشي ...استغفرت الله وكمت واني اترحم عليهم ثنينهم