أسماني ابي ريحانه

30

صباح الخير جميعا 💐 ورداتي

رجعت وياكم بلحلقه ال30من اسماني ابي ريحانه

بقلم اختكم أم شُبر ..🦋🦋🦋

نبتدي باسم الله 💕💕💕

.............................. 🌺

عيوني تصب دموع وهو واكف كدامي مبتسم على حالتي : وج شبيج وين رايح انا قابل رايح اقاتل ..وهل دموع كلها ...

كلت : همه مو شافوك شكو بعد رايح وياهم ؟؟؟

حضني بأيد وحده وبيده الثانيه مسح دموعي الي على خدي وكال : يا حبيبتي يا كلبي ليش انا قابل على هل روحه بس شوفه عينج الي صار ويردون يبيضون صفحتهم وياي

باوعتله واني مبرطمه : ما متعلمه على بعدك ..

باسني بكصتي وكال : يخسه الي يبعد عنج كلبي انتي ليش انا الي متعلم اشو حتى من يصير عندي شغل انهزم واجيج ..حبيبتي ...بطتي مجبور والله كم يوم وتلكيني نايم بحظنج وداعت مريومه

: يعني كم يوم تبقى ؟؟؟!!

ايهم : بيد الله كلبي بس اروح واشوف شنو الوراهم ما اطول ال٣ ايام وداعت عيونج ذني الاحبهن ..وهم اخذت اجازه بس ٣ ايام يعني ما راح ابقى ابقي هنا وانا اتصل بيج تمام حبيبتي ...؟؟؟

هزيت راسي واني مبرطمه ماما تباوعلي وتبتسم كالت : ولج يمه لا تبجين مو زين عليه وهو رايح بسفر

دار على ماما وكال : والله يا عمه كلبي ما ينطيني اعوفها جان اخذتها وياي بس اخاف عليها من هل درب منا للغربيه هواي

سميه : لا يمه خليها هنا ما عدنا شي عمك راح لديالى ابن عمه متوفي وراح يسوي الواجب

ايهم : الله يرجعه بلسلامه

سميه : تسلم يمه وانته هم دير بالك على روحك تره هاي راح تكضيها مناحه عليك

رجع باسني من راسي وكال : فدوه لعيونها بسج كلبي لا تبجين لا وابو فاضل العباس ما اروح وخلي شيسوون يسوون

ابتسمت وكلت : لا روح هاي هيه ...بس ليش ما بقيتني بلبيت هناك بغرفتي

ايهم : احسن هنا يم امج ترتاحين وتغيرين جو وانا ما اتاخر حبي ...يالله في امان الله

سميه : الله وياك وليدي محروس بالله ومحمد واهل البيت ربي يحفظك يمه ويرجعك بلسلامه

كلت : دير بالك على روحك حبي

ابتسم وكال : وانتي هم ...يالله اودعناكم

طلع وطلعت وراه وصل للباب صحت عليه : ايهمممم

باوعلي وكال : هااااا

: عيونك مو تروح تباوع منا ومنا على بنات الغربيه ...عيونك افكسهن

ايهم : هههههههههههه ولج وين رايح انا افتر علبنات شبيج بابا

: والله يكولون على بنات الغربيه يخبلن