صباح الخير جميعا 💐 ورداتي
رجعت وياكم بلحلقه ال31 من اسماني ابي ريحانه
بقلم اختكم أم شُبر..🦋🦋🦋
نبتدي باسم الله 💕💕💕
بينَ مذكرات مراهقه. موجعهٌ ومرهقهٌ ومشاعر انثى مكتمله لا تجد لهُ مكان داخلها ....
اقفُ بصمتً وانظرُ الى ذالك الذي كان سبباً بدموعي يوماً وكسرهُ قلبي ايام ً...
وهو يتلاشئ يوماً بعد يوم ِ...
دموع ًمحرقهٌ وقلباً يتفطر على من كان لي سندٌ وكُنت قد اسميتهُ أمني وأماني ...
وكلماتٌ قد أن أوانها ...
بلعت ريك من شفته نايم بلصاله والمغذي معلكيه اله على تعلاگه المغذي وقنينه الاوكسجين ركن صاير عباره مستشفى مصغره امير كاعد يفرك برجليه بهدوء وعلاوي جوه رجل امير يلعب بلتلفون
التلفزيون ناصي على قناة القرآن وهو مغمض عيونه هدوووووء البيت بس ريحه التعقيم والديتول تفوح منه
ماما كاعده ويه عمه يسولفن نهى وجهالها عد اهلها اسلام طالع هو وابوه درت على جهه اليسره جود كاعد ومخلي اباذر بحظنه ويلعبون بلتلفون وود كاعده يمي بهدوء تلعب بتلفوني ...
نزلت فاتن من الدرج رفعت راسي صارت عيني بعينها متغيره حيل ضعفانه ومبين الحزن على امجد ماذيها سلمت على ماما وسلمت عليه من وره خشمها وراحت جابت ضيافه واجت كعدت كبالي
واني عيني كلسه تروح على الي نايم وما يدري بلدنيا وين ما وين
سمعت عمه تكول : هو من ياخذ العلاج سوده عليه ينام لهناك ويكعد
سميه : خيه على بختكم ليش مطلعينا مو شويه صار زين ليش طلعتو
اميمه : هو ما قبل يكول اريد هنا بينكم ويم جهالي
اتنفست بخنكه وحسره ودمعت عيني واسمع فاتن تحجي بهمس : اتمنى تظوكين الي جاي اعانيه ...
باوعت الها بسرعه وكلت بنفس همسها : واني شكو ...ليش هيج تدعين عليه ؟؟؟
باوعتلي ودارت وجها تباوع عليه
كامت ماما وعمه وراحن للغرفه واسمع شهكات عمه اميمه ....دموع فاتن نزلت من سمعت عمه خلت وكامت طلعت من الصاله بقيت وحدي ويه الجهال اخذتني رجليه ليمه اباوعله منتهي ضال بس النفس يصعد وينزل امير باوعلي ابتسمت بوجها كام راح يم جود وتبعه علاوي رجعت اباوع عليه فتح عينه وباوعلي ابتسم بتعب وهز راسه
مسحت دمعتي وابتسمت اله : شونك ابو امير ؟؟؟
هز راسه وابتسم : بشوفتج ...زين
دنكت بتعب ورفعت عيني اله : ليش طلعت من المستشفى ؟؟؟
: هنا ...احسن ...بينكم ...اموت
بجيت وكتلهة: لا تكول هيج ..
: شونج انتي ..ويه زوجج
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
