أسماني ابي ريحانه

37

صباح الخير جميعا 💐 ورداتي

رجعت وياكم بلحلقه ال37من اسماني ابي ريحانه

بقلم اختكم ام شبر  ..🦋🦋🦋

نبتدي باسم الله 💕💕💕

........  ......🌺🥀

استفزني بكلامه وخلاني انزل عليه هيج منك وهيج من اليوم الي عرفتك بيه

هو يصيح وانا اصيح لحد ما كتله : ولك راحت انتهت من وراك ..المفروض انته الوحيد الي توكف وياها .. شلون تصدك عنها شي وانته اكثر واحد تعرف بيها شكد تحبك

: عايز اناااااا....ما انا عايش بجحيم من وراها..... النوم ما شايفه ...لحد يحجي شي بكيفه ....

: مرتك منتهيه مرتك مريضه ...

سكت بس اسمع صوت نفسه يتنفس قوي من الكلام السريع والعصبي عرفت يريد يعرف عنها اكثر وألا جان سد التلفون بوجهي

سكتت انا هم

كال : شبيها ؟؟؟؟

: انهيار ...واخذناها لدكتور نفسي .. راح تتخبل ....وكال حاولو تتواصلون ويه رجلها

: شنووووو

: اي ريحانه واصله بيها صوت الهوه يأذيها ...ما وكفت وياها وهيه بعازتك ..ظلمتها والله هيه بريئه ما عدها شي ويه اخوي والله ..

سد التلفون بوجهي   استغفرت الله وخليته بجيب الستره الي لابستها ودخلت للبيت لكيت خاله كاعده كبالها وهيه مغمضه والموسيقى هادئه يمها

: لو مخليلها قرأن مو احسن ؟؟؟؟؟

: والله خاله ما ادري ...بعد هو اعرف ...

: ترحين ؟؟؟

: لا .. لؤي راح لبيت خاله مسوي عمليه ماخذ امه ورايح باجر يرجع

: اي زين ....ويامن جنتي تتصايحين وتحجين ؟؟؟

: ويه الشفيه !!..

باوعتلي متسائله : منو !!!

سويت حركه براسي على ريحانه  عرفتني خاله اقصد ايهم

: اي وشكال ؟؟؟؟

: بلبدايه ضل يهوبز عليه ومن كتله على حالها سد التلفون بوجهي ...

: مع الاسف ما جنت اضن بيه هيج بسرعه باعها

اخذت نفس عميق وزفرته : اااااااااااه ما اعرف الومه لو اكول حقه ..

:مهما يكون يعرفها هو ما يحتاج هيج شهرين وفوك عايفها لا سأل ولا كال

هزيت راسي : اعرف ...شنسوي لعد

كعدنا نسولف وهيه مغمضه منعرفها نايمه لو جاي تستمع النا

تقريب النص ساعه وندك الباب كالت خاله : منو جاينا ب١٠