مساء الخير جميعا 💐 ورداتي
رجعت وياكم بلحلقه ال21 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
ام نوره : تانيتجن تحجن وما حجيتن اجيت اخلي النقاط علحروف
اميمه : اي نقاط واي حروف الي جاي تحطيهن شهل تمسلت روحي ولي ولا تجين بعد
ام نوره : لا ما اروح ...
كلت بصوت شبه عالي: شنو الموضوع شديصير وانتي خاله شجابج هنا ومنين تعرفين عماتي
باوعتلي وكالت: شلون ما اعرفهم وانا عشت وياهم خمس سنوات انا امج بنيتي حرمني منج
بصدمه جبيره استقبلت الخبر حسيت بتوازني ختل بس بقيت واكفه عين على ماما سميه الي شحب لونها وعين على ام نورة الي مدري شنو الي كالت
حسيت على احد خله ايده على كتفي باوعت لتجاها شفتها اسو كالت بصوت ناصي: تعالي فوتي
باوعت الها وكلت : سمعتي شنو جاي تحجي
اسو : تعالي ريحانه
دفعت ايدها وتقربت بهدوء ورجفه سرت بكل جسمي خلتي مثل السعفه الي يهزها الهوه
وكفت بين ماما وام نوره : شنو انتي شجاي تحجين
سميه : ريحانه ماما روحي
ام نوره : لا ليش تروح كم مره اجيت وكتلج حاجيها وكولولها هاي امج سممتو عقلها وخليتوها متعرفني
باوعت الها وكلت : انتي منو علمود يسممون عقلي ويخلوني ما اعرفج
ام نوره : اني امج الي حبلت وشلتج تسع اشهر بطني وربيت وكبريت
كلت بصوت: اوكفي ..اوكفي ...شوكت ربيتي وشوكت كبرتي واني اصلا ما اعرفج ...انتي منو وشتردين
..انا امج ...انا صابرين المكتوب اسمها بجنسيتك ...
ريحانه: ما عندي ام بس سميه امي
سميه : اميمه دخلي ريحانه جوه وانتي ولي منين ما اجيتي مو تالي وكت اتذكرتي روحي ...
...ما اروح گبل ما اشوف بتي واحجي وياها
اميمه : غير لو نعرف هيه وينها بتج ذني بنات سميه وهاي بتي وجنتي بتج وينها ؟؟
...ريحانه بتي !!!
گلت: واني ماما اسمها سميه
اسو : شنو توج اتذكرتي عندج بنيه ؟؟
...لا بنتي طول عمرها بالي وكلبي يلوج عليها الله يجازي الي جان سبب وخلاها ما تعرفني
سميه : لا تلوصين صابرين مو صرتي مره جبيره هاي اذا ما صايره بيبيه فلا تخليني اتجاوز عليج وانتي اكبر،مني ...منو قصدج جان السبب وخلاها ما تعرفج
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
