مساء الخير علجميع 👋
متابعيني الاعزاء اسفه لانقطاع القصه لئن كنت امر بظروف صحيه اخذت من صحتي ووقتي وتدهورت حالتي حيل بسبب مضاعفات كورونا 😷
اسأل الله ان يبعدها عن الجميع ويخلصنا من هذا الوباء الخبيث
رغم صارلي فتره من كمت على حيلي بس حبيت اكمل القصه بطلب من بطلتنا وحبت تشارك قصتها وياكم
لا تنسون تابعون ويانا القصه ولا تنسون التعليق والتصويت 🌺🌺🌺🌺
ويلا نبدي بأسم الله الحلقه 9 من اسماني ابي ريحانه اختكم دموع البحر ..ام شبر ...
نبدي .
.
.
.
امجد : ريحانه بعدج مراهقه ومشاعرج مخربطه
ريحانه : ما انته كنت مراهق من حبيت فاتن ليش ما حسبت فتره مراهقه وتغيرت مشاعرك ..امجد لا تبرر اي شي الي صار صار
امجد : ريحانه صدقيني حبج الي مو حب حقيقي لو ادري بيه حب حقيقي جان ..وسكت
باوعتله وكلت : جان شنو تعوف فاتن حب الطفوله علمودي ...امجد اخذني للبيت
امجد : ريحانه
ريحانه : عفيه امجد خلي شويه كرامه الي مو سحكتني سحك رجعني للبيت ما الومك ابد الغلط مني اني انجرفت وره جذبه ولعبه منك تشعل كلب فاتن
امجد : شنو لعبه ريحانه بديت تتجاوزين تره
ريحانه : ليش مو لعبه سنين انته تصدني كلما اجت عيني بعينك ليش فجأتا بديت تميل الي وبلصدفه انته وفاتن مو صلح ومن تشوفها تتقرب الي اكثر جنت انته تحرك بكلبها بس ما تدري بيه جنت احبك اكثر واتعلق بيك اكثر لك حتى ما فكرت بيه وكلت اخاف تتعلق بيه واني اريد بس احرك كلب فاتن واخليها تغار .
لك انته جنت تخليني الليل ما انامه من التفكير بيك وانته محتار بفاتن وشون تخليها تغار .
لك انته حتى مخليت لمشاعري احساب وانته تعرف بيه احبك
قاطعني بصوت : لا ما اعرف
صحت بيه واني دموعي تصب وكانو اريد هاي اللحظه اريد افرغ بيه كلشي صار بيه : لااااااااا تدري وجنت تكول لا تكبرين وخليج بعمرج ليششششش لئن تشوفنيييي احبكككك ...مو كل ما صرت كدامي تشوف عيوني تفرح بشوفتك
مو من اجينا من كربلاء واني ضايجه منك ومن سوالفك حسيت عليه
امجد انته ردت تحرك كلب فاتن بس للاسف حركت كلبي وكسرتني
امجد : كافي ريحانه
ريحانه ببجي : لا مكافي كافي انته تلعب بيه وبمشاعري لك اني مااعرفك انته ميت شخصيه ساعه حباب ساعه قاسي ساعه حنين ساعه جبير ساعه تحبني وتخليني اتعلق بيك اكثر وهسه جاي تكلي كافي
كافي شنو امجد كافي شنو ليش هيج بس كلي ليش
خليت اديه على وجهي وبجيت بصوت
خله ايده على كتفي دفعتها وكلت : لا تعلقني بيك اكثر
اكرهك بكد ما حبيتك
امجد بعصبيه : ريحانه الزمي لسانج تره ساكت الج لئن مريضه
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
