صباح الخير جميعا 💐 ورداتي
ورمضان كريم عليكم وتقبل الله صيامكم وقيامكم
طبعا مثل كل قصه يصير،عندي برود ان اكمل القصه بسبب عدم التفاعل بلقصه بس راح يكون هذا البارت تجريبي اما الغيها اما اكملها ليوم الجمعه اذا شفت تفاعل زين اكمل واذا لا راح الغيها يالله اريد تفاعل وتصويت وتعليقات سوو تاكات لمتابعيكو واحبتكو واصدقائكو وخليهم يتابعون وياكو😤
رجعت وياكم بلحلقه ال5 من اسماني ابي ريحانه
بقلم اختكم دموع البحر ..🦋🦋🦋
نبتدي باسم الله 💕💕💕
ايام عدت ومشت اشهر وحياتنا مثل ما هي رجع حبيب للبيت واني كمت اتجنب اصير يمه شويه شويه لحد مرجع الوضع مثل مجان بلنسبه الي جان حبيب مثل من غاب لا يذكر وان حضر لا يعد
ماما كبرت بطنها وقربت ولادتها ويوم عن يوم تتعب واني وامي ملتهين بلجهال وعمه بين يوم ويوم تجي يمنه تشوفها حبيب جان شايل ماما على جفوف الراحه اخر فتره مثل مجان بلبدايه وجان قلق عليها حيل ماما كبرت وصارت نص الاربعين والحمل هيج وكت متعب ولهذا جان يعتني بيها مرات افرح من اشوفه هيج خايف عليها ومرات اغار منه لئن ماخذ كل الاهتمام اله
وبيوم كعدنا على صرختها نزل حبيب يركض لامي طلعنا نركض ونشوفه ينزل وهو لابس الدشداشه مكلوبي : ام جعفر الحكي سميه تطلك
ام جعفر : نزلها ابو علي بس البس عباتي ..ولج ريحانه اركضي لامج
صعدت اركض ونزل حبيب يشغل السياره وصعدت لكيتها تشيل روحها وتركعها بلكاع والجهال تبجي لبستها حجابها وعباتها واخذت الجنطه مالتها ردت انزلها اجه حبيب بيومها استخطيته وكتله : عموو دشداشتك مكلوبي
حبيب : ولج بويه غير تخردلت نزعها وعدلها واخذ ايد ماما ونزلها بهدوء اخذت الجهال ونزلت جوه
ام جعفر : ابو علي يمه مرنا على ام امجد ناخذها ويانا
حبيب : اخاف زحمه العالم نايمه هسه
ام جعفر : لا هسه كاعده تكعد ويه ولدها ورجلها
حبيب : يالله نتوكل ..يا الله
وطلعو بقت ود وجود يبجون
: اسكتو حبايبي لا تبجون
ود : ماما بيها اوا
كلت : لا حبيبتي هسه تجيب بيبي زعينوني حلو مثلج
جود : بس تبجي خطيه
: اي گلبي غير تخاف عليكم تعالو نغسل ونسوي عميه وبعدين تجي
سكتتهم واخذتهم غسلت الهم وسويت ريوك اريكهم باوعت للساعه صارت11ولهسه ماكو طلعو من 8 عدت بلصاله واخذت كتابي اقره اليوم مرحت لان ما عندي شي مهم خليت للجهال العابهم وكاعدين كبالي
منتبها علكتاب وما احس اله صوت : هلاااااوووو
رفعت راسي بفزه : عزززا ...امجد خرب خوفتني
ضحك : هههههه عزززاا بعينج اذا صدك جفلت من فزتج
شونج ريحانه
ريحانه: هلو شوكت اجيت من الدوام
امجد : الفجر طبيت توني كعدت سألت على امي كالو راحت ويه خالتي للمستشفى وكلت اكيد وحدج اجيت عليج شونج شخبارج
ريحانه : الحمد لله بخير دامك بخير
امجد : الحمد لله سالمه ...شنو ليش ممداومه
ريحانه : ما عندي شي مهم اليوم كلت اغلس وانام للظهر تالي ماما كعدتنا من الصبح
امجد : هههههههه اي والله صدك ...لككك جود شونك
جود : زين
امجد : عفيه بلسبع ...يحلوه شونج ام خدود
خجلت ود ودنكت راسها ببتسامه
امجد : فدوووووه لليخجلون لج تعالي هنا
كامت وهيه مدنكه واجت يم امجد اخذها وباسها وكال : ولكم گيمر يربي وين راح عنج حبيب لازم يخاف عليج من عيون الولد
ريحانه بضحكه: وك عيني بعدهي صغيره من فدوه لطولها من تكبر ما اخليها تشوف الشارع
باوعلي ونزل ود من ايده وراحت تلعب وكال : شنو هذا التغيير
باوعت عليه وكتله : اي تغيير ؟؟
امجد : قبل كم سنه جنتي تبجين وما راضيه على خاله تتزوج هسه صايره الحامي والمحامي للجهال والها
ابتسمت بهدوء وكلت : جنت صغيره ...
رفع حاجبه وكال : وهسه
خجلت ودنكت راسي : قابل اضل صغيره لازم يجي يوم ونكبر
رفع راسي بيده وكانت هاي اول مره يباوع بعيوني بهيج قرب وكال: كتلج عيشي عمرج لا تاخذين دور اكبر منج
جنت سارحه بعيونه وذايبه بحركته وكلت : بس اني صرت جبيره عمري 17 سنه
حس على حركته ذوبتني وخر ايده وكام وكف وكال : هم بعدج صغيره ....
وكفت كدامه وكتله : ليش تشوفني صغيره بعينك اني كبرت والله
باوعلي وكال: روحي جيبي ملابس للجهال وجيبي كتبج امي خابرت كالت اخذها يمكم لئن خالتي بعدهي مداخله عمليه واذا جابت ما تجي لباجر
أنت تقرأ
أسماني ابي ريحانه
ChickLitيتيمتاً انا تركتني الحياة بأب رحل بريعان شبابه وام عاشت لاجل نفسها تاركه خلفها طفله صغيره بين يدي كبار السن وفتاة في مقتبل العمر تعيش شبابها ام تربي طفلهً وتنفي نفسها انا تلك اليتيمه انا تلك الطفله انا تلك التي تركتها امها لتعيش عمرها ولم...
