قصر الصياد

قصر الصياد حلقة خاصه بارت ٩

وقفت ديما محلها فى صدمة لا تدرى ما تفعل اتلحق بحنين التى جرت عائدة للسيارة بقلب مهموم حزين ام تدخل الى اخيها تفهم منه الامر برمته ،وقفت برهه تفكر فهداها تفكيرها ان تسأل السكرتيرة سناء فتوجهت اليها وبمجرد ان رأتها سناء حتى رحبت بها بحبور فكيف لا وهى اخت مديرها وابنة احد اهم مؤسسى شركه الصياد"لؤى الصياد"_مدام ديما اهلا بحضرتك نورتى الشركة
ديما ببسمة _ازيك يا مدام سناء اخبارك ايه
سناء_كويسه الحمد لله شكرا لحضرتك ،ثانيه واحدة هدخلك  للباشمهندس
ديما مسرعه _لا استنى يا سناء انا كنت عايزة اسألك عن البنت اللى خرجت من شويه من مكتب مروان ،هيه موظفه هنا مش كده
سناء _لا دى اول مرة تيجى هنا
تفآجئت ديما_ ايه!! ... يبقى باباها موظف هنا ؟
سناء_معنديش علم يافندم ،بس اعتقد لا ،حضرتك ممكن تسالى باشمهندس مروان

ديما وهى تهز رأسها  لتستعد للرحيل_ تمام ،انا لازم امشى وهاجى لمروان وقت تانى

سناء _تنورى يافندم
_____
كان يقف فى مكتبه والغضب يتملكه ما كان يخشاه ويحاول تكذيب حدسه حدث بالفعل فموضوعه مع نعمة اتخذ منحى آخر لم يكن يحسب له حسبان وها هى نعمة بدأت فى تنفيذ ما يخشاه وهذا ما يجعله يختنق يكاد ينفجر من مجرد التفكير بالامر ،شعر ان الغرفه ضيقه تخنقه فك ازار قميصه فى محاولة لتخفيف حدة التوتر الذى به ،شعر انه بحاجه للخروج للتنفس
فخرج من مكتبه ليبتعد عن المكان  فوجد ديما تتوجه للخارج فاستغرب وجودها _ديما !!!!
ارتبكت ديما عندما راته كانت تود الرحيل دون علمه لذا قالت بارتباك_ااا ..اهلا مروان
مروان بتعجب _بتعملى ايه هنا وحنين فين
حكت ديما انفها بحيرة لا تدرى ما تقول_اا انا كنت رايحه لادهم وحنين منتظرانى تحت فى العربيه
ضيق مروان عينيه قائلا بانزعاج فهو علم ان اخته لا تقول الحقيقه_ديما ،مكتب ادهم على الناحيه التانيه مش هنا ،وحنين استحالة تسيبك تطلعى لوحدك اكيد كانت هتطلع معاكى
ارتبكت ديما اكتر وقالت لتهرب من حصار اخيها_ممم مروان انا لازم امشى ،يلا سلام
امسكها مروان من ذراعها قائلا بانفعال_ديما استنى هنا ،انتى مخبية عنى ايه
لتنزعج ديما منه وتقول بضيق_والله انت اللى مخبى يا مروان مش أنا
تقدر تقولى مين نعمة دى وايه معنى كلامها انكم متخانقين مع بعض؟

اتسعت حدقتى مروان وقال بصدمة_وحنين لما سمعت كده زعلت ومشيت صح

اخفضت ديما رأسها بحزن_اه للاسف ،عن اذنك انا رايحه ليها

تحولت ملامح مروان مرة اخرى للحدة _استنى ،انتوا ايه اللى جابكم هنا اصلا
ديما بضجر_عادى يامروان قلنا نعدى عليكم بالمرة

مروان بضيق_تعدوا عليا ولا تسألوا عن نعمه يا ديما ،قولى الصراحه

ديما_مروان احنا منعرفش ان نعمه عندك فى المكتب ، احنا مفكرينها موظفه هنا

مروان بحدة وغضب_يعنى كنتم جايين تسألوا عن نعمه مش كده

ارتبكت ديما وخافت من غضب اخيها_مروان انا عايزة امشى