قصر الصياد

بارت ١٥

كانت مرام مع حبيبة تستعدان للخروج من القصر لاقتناء بعض الاشياء الازمه لهن ،وعندما مرتا بحديقه القصر ،كان حازم يجلس هناك على الطاولة بالقرب من بوابه القصر
حازم_حبيبه !!
حبيبة_نعم ياحازم
حازم_رايحين فين
حبيبه_رايحين نجيب شويه حاجات محتاجينها من المحل اللى على اول الطريق
حازم_استأذنتم من ماما
حبيبه_اه طبعا استأذننا من ماما وعمتو جودى

حازم_تمام اجى معاكم اوصلكم

حبيبة_لا خليك ،احنا هنيجى بسرعه

كانت مرام تتابع الموقف بسعادة غامرة كم تمنت لو يعاملها اخيها بهذا الحنو

حازم وهو يخرج النقود من جيبه_طيب خدى دول خليهم معاكى علشان لو احتجتى حاجه انتى ومرام

حبيبة _معانا ياحازم ،متحرمش منك

حازم_يابنتى خدى ،دى لو كانت حور وشمت ان معايا فلوس كانت نضفتنى بدرى بدرى ،اوعى تقوليلها

ضحتك الفتاتان،حبيبه_حاضر،سلام ياحازم

حازم_مع السلامه ،خدو بالكم من نفسكم

مرام وهى تخرج من بوابة القصر _ كان نفسى يكون علاء حنين كدا

حنين_ربنا يهديه يامرام بجد،اخوكى غريب فعلا

لم يكملو حديثهم الا و وجدوا علاء امامهم ،علاء بحدة_رايحه فين

مرام _رايحه اشترى شويه حاجات انا وحبيبه

امسكها من ذراعها_حاجات ايه دى امشى على جوا انتى وهيه يلا ،بلاش هيافه

مرام_اوعى كده ،انا استأذنت من ماما وسمحت لى انى اخرج

علاء بغضب وهو مازال ممسكا يدها_مراام ،متخلنيش اتغابى عليكى

سمع حازم اصواتهم فذهب ليرى ماذا هناك

حازم _فى ايه ياعلاء ،بتزعق ليه

علاء _مفيش ياحازم ثم نظر الى مرام_يلا على جوا ،اخلصى

حازم_يلا فين ،سيبهم يروحوا يجيبوا اللى محتاجينه

علاء _حازم متدخلش انت ، ثم صرخ فى مرام_مرام انا قلت ايه؟!

حازم_فى ايه ياعلاء ،بتتكلم كده ليه ،ومالك بتكلم مرام بالاسلوب ده ليه

علاء_والله انا حر فى اختى

حازم_بس اختك معملتش حاجه غلط علشان تصرخ فيها بالشكل ده يااخى

كانت مرام تتابع ما يحدث بحزن وفجأة انطلقت الى الداخل تبكى

حبيبه_مرام ،اتسنى بس

ضرب حازم علاء على كتفه_عجبك كده يااخى حرام عليك ،روحى شوفيها ياحبيبة بسرعه

نظر له علاء بلا مبالاه واكمل طريقه للداخل
******
عندما رأتها تتحدث مع معاذ، جن جنونها وخافت ان تفشل خطتها ،هى تريد لحياء ان تتزوج من ذاك الرجل الثرى الذى وعد ان يعطيها ما تشاء مقابل موافقه حياء على الزواج منه
لا لن تفشل خطتها ابدا ،لن تفوت فرصه الحصول على ذلك المال ،لذا ارادت ان تستغل الموقف لصالحها فابتسمت بخبث لما تدبر له