٣
هزت راسها بالنفي وهيه عنيها بتدمع
فلؤي قال وهو بيسند بإيده راسها علشان ينيمها والايد التانية بيمسح دموعها وقال
_أنا عطيتك منوم كلي، لحظات وهتنامي ومش هتحسي بأي حاجة غير وان ابنك في حضنك بإذن الله، استودعك الله يا حبيبتي، لا إله إلا الله
ديما بدأت تغمض عنيها وقالت بهدوء
_ محمد رسول الله
وبعدها نامت
همسة قربت من لؤي فرحانة باللي عمله وانه قدر يهدي ديما بنته بحرافية عالية رغم انهم تعبوا جدا في المعافرة معاها
_لؤي انت بجد، ملكش حل قدرت تغير مود ديما وتنسيها همها وخوفها في لحظات، لأ وكمان خليتها تضحك انا مش مصدقة نفسي.
لؤي مسك إيد مراته وقال
_ديما بنتي واكيد عارفة مفاتحها إزاي، يلا يادوب نبدأ الولادة، دعواتك معانا يا همسة قلبي.
بصتله بحب وقالت
_أنا واثقة في ربنا وفيك يا لؤي، ربنا معاك ويقوم بنتنا بالسلامة يارب.
نظر لؤي لما الموجدين في الاوضة
فشاور للممرضات فسحبوا سرير ديما ونقلوه لأوضة العمليات
أما الرعد فجه قرب من لؤي وحط إيده على كتفه وقال
_ربنا معاك يا كبير.
لؤي ابتسمله وقال
_دعواتك يا رعد.
لؤي شدد على كتفه وقال
_انت قدها يا صاحبي، الله يعينك ويقوملنا ديدو بالسلامة.
_بعد انتظار أقل من ساعة لؤى خرج وفي أيده شايل حفيده على إيده وبيسلمه لأبوه اللي أول ما شاف لؤى خارج وشايل في ايديه بيبي
تنح ووقف فاتح بوءه
لؤى ناوله الطفل وقال بابتسامة مالية وشه
_ألف مبروك يا أدهم، يتربى في عزك يا ابني.
أدهم مسك ابنه بين إيديه وبكا من الفرحة وبعدها باسه وهو بيسمي عليه
لؤي قرب منه وقال
_اطمن أنا أدنتله في ودنه،وحنكته بالتمر كمان.
أدهم بص لعمه بامتنان
فلؤي ضحك وقال
_ودي حاجة تفوتني، ده حفيدي
همسة قربت من البيبي بلهفة وشالته وقربته من قلبها وقالت بسعادة
_ياروحي عليه نسخة منك يا لؤي اللهم بارك.
الكل قرب من همسة علشان يشوف البيبي فأصبح لؤي الصغير بيتنقل من إيد لإيد والكل فرحان بيه ومبسوط
أدهم سأل على ديما هو وهمسة لؤي قال
_اطمنوا الحمد لله ديما في اوضة الافاقة، هتفوق والبنات هيخرجوها الأوضة بتاعتها، أنا بس هروح ارتاح في مكتبي لاني بقالي أكتر من ٦ساعات واقف على رجلي
همسة أشفقت عليه وقالت
_يا حبيبي يا لؤي، ربنا يعينك ويقويك ويجعله في ميزان حسناتك.. هدخل اطمن على ديدو وأجيلك علطول .
ادهم وهمسة دخلوا لديما واطمنوا عليها، همسة لما لقتها لسه نايمة ومش حاسة بالدنيا قالت لأدهم
_أدهم خليك معاها هروح أطمن على عمك لؤي.
أنت تقرأ
قصر الصياد
Mystery / Thrillerالجزء الثانى من همسة امل الجزء الثالث من لماذا يا ابى عندما تكون العائلة فى المقام الاول_عندما تكون العائلة متحدة _تكون قوة لا تقهر قصر الصياد حاصلة على التريند الاول _مسابقة_
