قصر الصياد

بارت ٣١_تكملة الحكاية

بعد مرور حوالى اسبوعان ولا جديد يذكر .

فى شركه الصياد

كانت اسيا تعمل مع حازم فى نفس المكتب حيث تتدرب هناك كما هى اوامر الرعد

كان حازم يتحدث فى الهاتف
_يامن حبيبى اخبارك ايه
_الحمد لله ،اخبارك ايه يا صاحبى
_اخبار الشركه ايه
_الحمد لله ماشى الحال ،بوجود امجد وادهم معايا الشركه بدأت تقف تانى على رجليها
_الحمد لله،يارب اشوفك احسن حد انت تستاهل كل خير
_تسلم ياصاحبى متحرمش منك ،اروق بس من اللى أنا فيه وارجعلكم تانى
_خد وقتك يايامن ،سلامى لعم محمود
_الله يسلمك يوصل

_هكلمك وقت تانى لاحسن حد يدخل عليا اتقفش بالتلفون
الرعد مشدد ممنوع كلام فى التلفون الا للضرورة

_ههههه انت هتقولى ،ربنا معاك ،سلام
_سلام ياصاحبى
'''

كانت اسيل تلاحظ اختفاء يامن طيلة الاسبوعان الماضيان عن الشركه وتود أن تسأل حازم لما لم يعد يأتى للعمل ولكنها كانت تستحى أن تسأل

لذا استغلت مهاتفه حازم له وسألته

_حازم
ترك ما فى يده والتفت اليها_نعم يا اسيل
اسيل بتردد _هو يامن اشتغل فى شركه تانيه؟!مجاش يعنى بقاله اسبوعين
_اه يامن اشتغل فى شركته ،الحمد لله
نظرت له اسيل باستغراب ؟؟؟
حازم _اه صح انتى متعرفيش اللى حصل ليامن

نظرت له اسيل بقلق _يامن حصله ايه ؟!

لاحظ حازم نظرات القلق التى لم تستطع اسيل اخفاءها فقال_هحكيلك ....
وضعت اسيل يدها على فمها من الصدمه _معقولة فى اب يعمل كده فى ابنه انا مش مصدقه ،مستحيييل ،ويامن اخباره ايه دلوقتي ياحازم
حازم_كويس الحمد لله ،هوا دلوقتى عايش مع والدته الحقيقيه واهله الى ربوه فى الفيلا اللى المفروض كان يعيش فيها طول عمره وبيشتغل فى شركه والده بيحاول يوقفها على رجليها بعد ما اعلنت إفلاسها

اسيل _يعنى مش هيرجع هنا تانى

حازم_لا طبعا ،يامن بيحب شركه الصياد جدا ،علشان كده هيشتغل فى شركته وفى الشركه هنا كمان

اسيل باحراج_يامن انسان كويس ويستاهل كل خير ،ربنا معاه

كان حازم يعرف أن صديقه يود الارتباط باسيل لكنه لم يصرح بذلك بسبب اعاقته ،لذا اراد أن يعرف رأى اسيل فى يامن دون أن تلاحظ ذلك وبطريقه غير مباشره

حازم_يارب ،فعلا يامن شاب انا مشفتش باخلاقه وطيبة قلبه ،بس للاسف مفيش بنت هتوافق بيه وهو باعاقته دى ،علشان كده هو فاقد الامل انه يقدر يرتبط ويكون بيت واسرة

اسيل _لا طبعا هو اكيد غلطان ،يامن شاب محترم جدا مفيهوش حاجه تعيبه ،اعاقته دى ملهاش وجود ومتمنعش ابدا انه يلاقى شريكه حياته ويكون بيت واسرة