قصر الصياد

الحلقات الجديدة ادهم وديما ٢

٢
فرح أدهم لنجاح خطته وبص لأمه وعمته همسة وكل نساء العيلة اللي كانوا في انتظارهم في المستشفى لأنهم كلهم عارفين ميعاد ولادة ديما ماعدا هي
وقال
_برافو عليكي يا حنين.. كنت عارف إنه يعتمد عليكي فعلا.. يلا كلنا في انتظاركم ..كملي زي ما قلتلك....انزلوا هتلاقوا عم سيد في انتظاركم تحت

_حاضر.

لبست ديما وجهزت وحطت ايدها في أيدين حتين ونزلوا
لقيوا عم سيد في انتظارهم واول ما شافهم قام من كرسيه وقال
وهو بيفتح باب العربية
_أهلا بالهوانم الصغيرين... اتفضلوا

ابتسمت له حنين
_شكرا يا عمو سيد ربنا يخليك.

أما ديما فكانت في وادي تاني فالخوف بدأ يدب في جميع اوصالها وده لمجرد فكرة دخولها المستفى بس ما بالكم لو عرفت انها هتولد

حنين مسكت ايدها وساعدتها انها تركب وقالت
_يلا يا ديدو ..انتي أقوى من كدا.

أخذت ديما نفسا عميقا وقالت
_ربنا يستر.. انا ليه قلقانة كدا
وصلوا المستشفى الخاصة بالعيلة

ديما كانت بتقدم رحل وتأخر رجل فحتين كانت بتشجعها
_يلا يا ديما متخافيش،أنا جاية اكشف بس

ركبوا الاسانسير لحد ما وصلوا للمكان المطلوب
واول ما وصلوا لأوضة معينة لقوا الممرضات في استقبالهم
_حمدا لله على السلامة ... اتفضلوا الدكتورة في انتظاركم جوا .

الممرضة شاورت ليهم على الكرسي يقعدوا
_اتفصلوا اقعدوا هنا ...هندخل نعطي خبر للدكتورة حالا.

جت ممرضة تانية تمسك ايد ديما وتحط في ايديها الابرة
ديما زعقت فيها وقالت
_انتي بتعملي ايه.. مش أنا اللي جاية أكشف دي حنين .

بدأت حنين تحس بالتوتر
_استر يارب وديما متكشفناش فينك بس يا ادهم
الممرضة قالت
_ايوة يا فندم دكتور لؤى وصانا اننا نعمل التحاليل ليكم انتم الاتنين اول ما تيجوا المستشفى في اي وقت .

حنبن قالت
_يلا يا ديما انتي لازم تعملي التحاليل دي وأنا كمان هعملها مفيهاش مشكلة يلا.

اديما بصتلها بغضب
_حنين انتي كنتي عارفة بكدا مش كدا.

حاولت حنين احتواء غضبها
_ديما انتي في كل الحالات كنتي هتعملي التحاليل متكبريش الموضوع علشان خاطري.

ابتلعت ديما غضبها بصعوبة وهي بتقول
_ماشي يا حنين نطمن عليكي الأول وحسابي معاكي بعدين

قالت حنين في نفسها
_ربنا يستر يا ديدو انتي زعلتي مني علشان التحاليل اومال لو عرفتي أنا جبتك هنا ليه من الأساس هتعملي فيا ايه .

اخدت الممرضات عينهات منهم وبعد كدا جت الدكتورة وقالت
_أهلا يا مدام ديما ..أخبارك ايه النهاردة... يلا اتفضلي