قصر الصياد

بارت٣٣

بعد مرور اكثر من ست ساعات متواصله بداخل غرفة العمليات كان الجميع يجلسون فى توتر وقلق شديدين، ،لم يعدوا يتحملون اكثر فاقت ساعات الانتظار قدرتهم على التحمل اكثر
فرح بصوت مخنوق من فرط قلقها _هما اتأخروا جوا ليه كده؟!،انا خايفه اوى

ادهم _ان شاء الله خير ،متقلقيش

امجد_العمليات من النوع ده بتطول جدا  ،ربنا يعديها على خير
فرح _يارب،يارب
كان محمود يجلس بسكون عجيب يمسك مصحفه الصغير ويتلو ما تيسر له من ايات الكتاب الحكيم

حازم يجلس ينتظر بصمت ولكنه وقف من مكانه متحمسا مترقبا عندما وجد باب غرفة العمليات يفتح ويخرج من دكتور لؤى وهو ينزع الكمامه عن فمه ويليه طبيبان فى نفس التخصص

اتجه الجميع نحو دكتور لؤى واضعين ايديهم على قلوبهم

حازم_دكتور لؤى ايه الاخبار
محمود_طمنا يابنى الله يباركلك

لؤى_الحمد لله ،العملية تمت بنجاح هنعرف تأثيرها لما يقوم بالسلامه ويامن كويس بفضل الله ،

امال _الحمدلله ،الحمد لله يارب

احسان بتلهف على ولدها_هو فين يادكتور ،مش بيخرج ليه

لؤى_لحظات والممرضين يخرجوه يودوه اوضته ،وما هى الا لحظات حتى خرج الممرضون يجرون الترولى الذى يرقد عليه يامن وهو نائم بفعل التخدير الكلى

مشى الجميع معه الى ان وصل لغرفته وتم نقله الى سريره ،التف الجميع حوله
لؤى_ساعه او ساعتين بالكتير وهيفوق باذن الله ،عن اذنكم انا،لو احتجتم لاى حاجه انا فى اوضتة مكتبى

امجد_شكرا لحضرتك يادكتور ،ابتسم له لؤى قبل ان يرحل
ادهم_انا هروح الشركه اتابع الشغل وارجع لما يامن يفوق ،خليك انت هنا معاهم
امجد_تمام لو فى حاجه كلمنى
ادهم وهو يرحل _تمام
امجد لحازم_اتفضل ياحازم انت  كمان روح ،انت تعبت من الانتظار
حازم_هستنى لمايامن يفوق، مش هعرف امشى غير لما اطمن عليه
جلست احسان بجوار ولدها تمسد على شعره وترقيه ببعض ايات القرآن

بعد انتظار ساعتين فاق يامن  اخيرا من غفوته ،فرح الجميع وحمدوا الله على انه بخير
نظر يامن اليهم ليجد الارهاق البادى على وجوههم_ايه ياجماعه ،الظاهر انى نمت كتير

ارتمت فرح بين ذراعى اخيها_يامن الحمدلله ،الف سلامه عليك
اطمأن حازم على صحة صديقه وغادر عائدا القصر ،
__
فى اليوم التالى جاء كل من الرعد ومازن وكريم والابناء مروان وادهم وعلاء وحمزة بصحبة حازم للاطمئنان على يامن الذى اصبح صديق العائلة هو واسرته
ادهم وامجد بترحاب بالرعد الذى ساعدهم فى الشركه كثيرا _اهلا ياباشمهندس ،اخبار حضرتك ايه
رعد_الحمد لله ،حمدا لله على سلامة يامن
يامن _الله يسلمك ياباشمهندس ،اسف تعبنا حضرتك