قصر الصياد

بارت٤٢والاخير ج١

بقالى يومين بكتب فى البارت يارب يعجبكم

كانت اسيل حزينه على حالة اختها فحمزة لا يريد ان يعطى لها فرصه للشرح فقررت الذهاب اليه وتوضيح الامر بنفسها وخاصه ان والديهم سألا اسيا عن سبب فسخ الخطبه ولم تقل شيئا ،لم تعرف ماذا تجيب والديها فلم يشئا ان يضغطا عليها وتركا لها الحريه التامه فى الامر ،اما هى فتعلم جيدا ان اسيا تحب حمزة ولا تستطيع ان تصلح الوضع بنفسها ،اخبرتها اسيا ان حمزة يعود من الخارج كل يوم فى مثل هذا التوقيت فانتظرته فى الحديقه كى تتحدث معه

وتماما كما قالت اسيا وجدته يدخل من بوابه القصر بسيارته فانتظرت الى ان صفها فى مكانها وترجل منها فنادت عليه_حمزة

لوهلة ظن ان من تنادى هى اسيا تؤام اسيل ومن ثم ادرك الفاارق البسيط فى الصوت فالتفت تجاه من تنادى وقال_اسيل،اخبارك ايه ،ويامن اخباره ايه

اسيل _الحمد لله ،كويسين،اخبارك ايه

حمزة بتنهيده تنم عما بداخله من الم_الحمد لله يا اسيل الحمد لله

اسيل لمحاولة فتح حوار_اتغيرت يا حمزة فين حمزة المرح بتاع زمان
ابتسم حمزة بضياع_مفيش حاجه بتفضل على حالها يا اسيل

اسيل_بتقسى على نفسك اوى ياحمزة ليه مش بتعطى لنفسك فرصه تفهم الحقيقه

حمزة بسخريه_ما الحقيقه اتعرفت خلاص يا اسيل ،ارجوكى غيرى الموضوع

اسيل_حمزة انت فهمت غلط ،اسيا مكانتش تقصد اللى وصلك ،ممكن تقعد تسمعنى ولك حريه القرار بعدين

تنهد حمزة بضيق كان يريد ان يرفض لكنه لم يرد ان يخذلها فوافق على مضص_اوك ،اتفضلى

جلسا على احدى الطاولات الموجوده بالحديقه

حمزة_اتفضلى اسيل انا سامعك

اسيل_حمزة ،اسيا فعلا وافقت عليك ،لانها مكانش عندها الثقه فحد فكانت مبسوطه ان انت اتقدمت لها واتأكدت انك بتحبها واخترتها من بين البنات علشانها هيه وبس ،مش علشان هيه غنيه وكده لانك انت كمان فى نفس المستوى المادى ،وخاصه لما الشباب فى الجامعه كانوا بيحاولو يقتربوا منها لمجرد انها من عيله الصياد

تألم حمزة لما يسمعه وظهر على محياه الضيق جليا فهاهى اسيل تؤكد ما فهمه

لتكمل اسيل_بس ده كان فى الاول ،بعدها بدأت ترتاح ليك ياحمزة وتتغير نظرتها ليك من كونك ابن عمها وبس الى ..ااه احم ،اقصد انها بدات تكن لك المشاعر يا حمزة

حملق فيها حمزة مزهولا احقا اسيا تحبه ،لتكمل اسيل_اسيا ،مكانتش عايزة تلغى الخطوبه وزعلت جدا لما فهمتها غلط وفسخت الخطوبه

سر حمزة لما يسمعه وقام ووقف من مكانه _اسيل انتى بتتكلمى جد ،طيب ليه مقالتليش كده

اسيل_حمزة انت مكنتش بتديها الفرصه وكمان هيه اتحرجت تقولك حاجه زى كده ،انا كمان الموقف مش سهل انى اكلمك فى حاجه زى كده ،بس لما شفتكم انتم الاتنين بتتعذبوا كدا كان لازم اتدخل