قصر الصياد

قصر الصياد بارت ٣

نزل الجميع للاسفل لمعرفة سبب استدعائهم جميعا ،تجمعوا فى الصاله الواسعه فى منتصف القصر حيث العديد من المقاعد والارائك التى تسع الجميع والتى تشبه غرفه الاجتماعات بالقصر
تفآجأ الجميع بمن يقف امامهم و قالوا فى نفس واحد_جدو الصياد

نظر بعضهم الى بعض فى استغراب شديد كيف هذا هم يعلمون ان الصياد الكبير مات منذ اكثر من عشرين عاما ،لذا لابد انهم يتوهمون ،ام انه رجل يشببه ،هم لم يعرفونه مباشرة لكنهم رأوه فى الصور ،لكن علامات الهرم والشيخوخه جليه جدا على وجهه تؤكد انه هو اجل هو الصياد الكبير صاحب هذا القصر الكبير وصاحب شركه الصياد ايضا لكن كيف ،كيف عاد هل الموتى يعودون،،؟!وان كان لم يمت اين كان مختفى طوال هذه السنوات ولم اختفى ولماذا ولماذا،عشرات الاسئله كانت برأس كل منهم
قاطع تفكيرهم ونظراتهم الحائرة ياسين وهو يقول بصوت جهورى _اه ياشباب الواقف قدامكم هو جدو الصياد بدأت تعلو الهمهمات والدهشه وبدأ يصبح المكان صاخبا نوعا ما،الى ان دب الصياد الكبير بعصاته الغليظه التى يستند عليها على الارض مرتين متتاليتين ،فصمت الجميع فى الحال ووجهوا انظارهم نحوه

ياسين_احنا اول ما شفنا جدو من شويه اتصدمنا زيكم كده ،وحقيقى كلنا مبسوطين انه عايش حد فى قوة وعقل الصياد ميتعوضش بسهولة ،علشان كده ممكن تهدوا ونسمع جدو هيقولنا ايه

خرج الصياد عن صمته بعد ان جاب بصره وجوه احفاده جميعهم فى شوق وسعادة باديه على وجهه قال بصوت ثابت وقوى كالمعروف عنه دائما

_انا بحمد ربنا انه مد فى عمرى وقدرت انى  اشوف ابناء احفادى قدام عنيا

لؤى بابتسامه صادقه واعجاب شديد فلقد سمع من ابيه عن جده الصياد الكبير _نورتنا ياجدو حضرتك متتصورش فرحنا بحضرتك قد ايه

ابتسم له الصياد قائلا بتخمين_انت لؤى بن طارق حفيدى؟!
طارق_ايوة ياجدو ،ده لؤى اللى كنت دايما تقول انه بشبهك

الصياد وهو يمد ذراعه لكى يستقر لؤى بينهما_تعالى فى حضن جدك يا حبيبتى

اقترب لؤى واحتضن جده بسعاده بالغه الامر الذى شجع الفتيات على القيام والترحيب بجدهن بسعاده ،نظر الجد الى الشباب _ايه مش عايزين تسلموا على جدكم انتوا كمان ،قام الشباب  ليرحبوا بجدهم بعد ان عادت الفتيات الى اماكنهن
زياد_نورتنا ياجدو

رعد وهو يقبل يد الصياد_شرف لينا اننا نشوف حضرتك بجد

الصياد_الحمد لله رب العالمين ،ربنا يحميكم ياولادى

عمر_احكيلنا يا جدو حضرتك كنت فين طول السنين اللى فاتت دى وليه كلنا مفكرين انك ،انك يعنى...

الصياد_انى مت مش كده

عمر بارتباك _انا اسف ياجدو بس ده اللى كلنا نعرفه