قصر الصياد

قصر الصياد حلقة خاصه ١٠

بين لحظة وأخرى تتغير مشاعرنا وينقلب مزاجنا ربما من كلمة ما أو موقف عابر رأيناه أمامنا او موقف حدث لنا بالفعل فغير مجرى حياتنا لنتخذ نتيجة تهور، ردود افعال قد نندم عليها فيما بعد

نزل مروان مسرعاً ليلحق بتلك المتهورة التى قد تودى بحياتها فى لحظة غضب
كانت تجرى بلا هدف فى اتجاه السيارات غير عابئة، مستعدة للإصطدام بها بصدر رحب عازمة على انهاء حياتها عديمة القيمة بالنسبة لها
لحق بها مروان وامسكها من رسغها بقوة ليبعدها عن تلك السيارات المارة _نعمة ،انتى جرى لعقلك ايه ؟؟
حاولت نعمة التملص منه وهى تبكى بهيستيريا ولا ترى امامها من فرط انفعالها وغضبها _سيبنى يا مروان ،انا لا يمكن اعيش ثانية واحدة
الا ان مروان ظل ممسك رسغها بقوة مانعها من التحرك أكثر ،وهى تصرخ وتزوم بصياح شديد الامر الذى جعل المارة يلتفتون اليها محاولة معرفه مابها
مروان بصوت منزعج _نعمة الناس بتتفرج علينا ،مش هينفع كده
الا أن نعمة مازالت على هياجها مصممة على انهاء حياتها مهما كلف الامر ،علم مروان ان الانفعال لن يفيد فى حالتها تلك ومع نظرات الناس المتسائلة فاتخذ اسلوب اللين علها تهدأ _نعمة ممكن تهدى ونتكلم بهدوء
نعمة وقد افلتت يدها من قبضه مروان _مبقاش فى لازمه للكلام وجرت بعيدا
جرى مروان خلفها وهى تصرخ به _مروان متقربش منى ،لو قربت هرمى نفسى تحت العربيه اللى جايه دى

مروان بنبرة حزينه _ليه يانعمة عايزة تضيعى تعبت علاج سنة كاملة ،ليه بتعملى فى نفسك كده ،احنا ما صدقنا انك بقيتى تتحسنى وكنتى خلاص خفيتى ،ليه رجعتى للاوهام دى تانى
نعمة ببكاء مرير_مش اوهام دى حقيقه انا اللى زيى مينفعش تعيش انا الكل عايز يبعد عنى واولهم انت يامروان

مروان بهدوء ونبرة صادقه _مين قال كده انا لايمكن ابعد عنك يانعمه ،وانا وعدتك انى مش هتخلى عنك أبدا

نعمة وما زالت دموعها تنهمر على وجنتاها_بس انت مش عايز تحبنى زى ما بحبك علشان انا مستاهلش

مروان بهدوء_نعمة ربنا اللى يعلم معزتك عندى قد إيه ،نعمة متقلليش من شأن نفسك أبدا ،انتى غالية عندنا

حملقت به نعمة ومسحت دموعها بيدها ثم نظرت له بعدم تصديق وجاهدت لرسم ابتسامة على محياها _مروان متسبنيش
اقترب منها مروان حتى بات امامها مباشرة_ مش هسيبك ابدا يانعمه
تشبثت به نعمة كالغريق الذى لا يعرف السباحه و يحاول النجاة من الغرق هى لا تريده ان يبتعد ،فرتب مروان على حجابها بحنان وكأنه يمسد على صغيرته لتنام _اهدى كل حاجه هتبقى تمام الى ان هدأت نعمة تماما ،اخذها الى سيارته واجلسها بها احضر لها عصيرا منعشا وبعض الشوكولاته قائلا بمزاح حتى يخفف عنها ما _ جبتلك شوكولاتة عارف ان البنات كلها بتحبها ،صح ولا أنا غلطان
تنهدت نعمة ونظرت له بابتسامة هادئه فحالتها استقرت نوعا ما ،ففتح مروان لها العصير _يلا اشربى علشان تروقى اعصابك ومش عايز اشوفك فى الحالة دى أبدا ،مفهوم يانعمه
نزلت دمعه عابرة من اعين نعمة فمسحها مروان_نعمه انا قلت ايه ،انتى عايزة تزعلينى وتزعلى بابا منك
هزت نعمة رأسها بنفى ،فابتسم لها مروان _يبقى تخليكى شاطرة واوعى تسمحى للشيطان يلعب بعقلك تانى
نعمة بخفوت_حاضر
مروان _بجديه ،نعمة خلى عندك ثقه فى نفسك اكتر من كده ،هنرجع نعيده تانى ولا ايه
نعمة _لا خلاص
فتح مروان علبة الشوكولاته وقدمها لها _طيب كلى دى كمان
اخذتها منه نعمة وقالت_مروان انت بتحبنى !
نظر لها مروان باستياء_تانى يانعمه
نعمة بتراجع_ طيب خلاص، ممكن اطلب منك طلب وعلشان خاطرى وافق
تبسم مروان_علشان خاطرك هوافق ،عايزة ايه
نعمة _تعالى معايا البيت ،انت مش جيت من زمان
مروان وهو محتفظ بابتسامته الهادئه التى تخطف قلب نعمه _ماشى ياستى هاجى معاكى ،لو ده اللى يريحك
هزت نعمة رأسها بإيجاب_اه هيريحنى .
_____
كانتا فى السياره تتحلى كل منهم بالصمت التام الى أن قطعته ديما_حنين ،انا سألت ادهم وأكد لى أن مفيش علاقه بين مروان والبنت اللى اسمها نعمة
فتحت حنين اعينها على وسعها_ايه ،ديما انتى ليه قلتى لادهم؟
ديما _مكنتش هرتاح الا لما اعرف الحكايه ايه