قصر الصياد

بارت ٤٠

_حازم اخباره ايه ،مش باين يعنى
_وانتى مالك يبان ولا ميبانش ،مش فاهمه بتسألى عليه ليه
تحرجت مرام _اا....عادى سؤال مش اكتر

حور بحده _انتوا خلاص انفصلتوا فملوش لازمه سؤالك عليه

تضايقت مرام ورحلت بضيق من حدة حور معها فى الكلام

حبيبه بضيق_ليه كلمتيها بالاسلوب الوقح ده !!

حور بضيق_مرام متستاهلش غير كده

حبيبه _حرام عليكى ،دى مهما كانت بنت عمنا ،وبعدين هيه مأجرمتش يعنى لاول ولا اخر واحده تسيب خطيبها ،روحى اعتذريلها على اسلوبك الوقح ده معاها

حور_انا قلت لها كده علشان تفوق ياحبيبه ،انا متأكده أن مرام بتحب حازم بس بتكابر

حبيبه باستغراب _ياسلام!!!

حور_مرام لو حست أن حازم بعيد عنها او انه ممكن يضيع منها ،ساعتها هتعرف حقيقه مشاعرها ،بس اللى أنا متأكده منه انها بتحبه جدا

حبيبه _اول مرة اعرف انك عاقله كدة

حور_يابنتى ،انا مهدور حقى فى القصر ده والله ،انا مش شويه على فكرة

حبيبه بسخريه_انتى هتقوليلى ،المهم عندك خطه ،نوفق الراسين تانى فى الحلال

حور_تخليكى ماشيه معايا على الموال ده ،تقطعى اى خيط يوصلها بحازم وياسلام لو قلنا اننا بندور له على عروسه

حبيبه _تفتكرى الخطه دى هتنجح !!

حور_نجرب من هنخسر حاجه

___

استأذن منهم ليرد على الهاتف
_هايدى!!
_ادهم ،عامل ايه ،فينك ،قلقتنى عليك
_موجود ،بس مشغول شويه بدور على شغل بعد ماانطردت من الشركه
هايدى بضيق_كله من ديما ،هيه اللى بوظت حياتك

_هايدى ،انا قررت اعطيها فرصه تانيه

هايدى بغيظ_نعم!!!!
_ممكن اطلب منك طلب؟!!
...
_ممكن تأخدى بالك من ديما،يعنى حالتها النفسيه مش مستقرة مروان اخوها بهدلها جامد لما عرف ،فانا عايزك تقربى منها وتخرجيها من اللى هيه فيه

هايدى بعدم تصديق وانفعال معا_كمان ؟!!

_يمكن لو مكانتش بنت عمى،لو مكانتش قدامى طول الوقت فى القصر كنت قدرت انساها ،يمكن لو كنت قابلتك انتى قبل ما اشوفها كان الظروف اختلفت دلوقتى ،
.....
_هايدى انتى معايا
هايدى بغل_اه ..اه ياادهم معاك
_هتنفذيلى طلبى !!هتأخدى بالك من ديما

_اوك يا ادهم اللى تشوفه

_انتى بجد حد طيب اوى ،مش عارف اودى جميلك ده فين

هايدى وهى تكاد تنفجر_عادى يعنى

_لا بجد ،انا مش عارف اشكرك ازاى