قصر الصياد

قصر الصياد حلقات خاصه البارت الاخير وتمت

سكون خيم المكان لم يُسمَع فيه سوى صوت انفاسهما المضطربة ،سحب المقعد ليكون فى مقابلة صديقه ينظر إليه بإهتمام ليستمع ما سيقصه عليه ،رمقه مروان بنظرة تحمل فى طياتها السخريه
ليقطب أدهم أعينه بتعجب ويقطع ذلك السكون_ايه مالك بتبصلى ليه كده ؟
مروان ومازال يبتسم له بسخافه_مش عارف ليه حاسك متحمس كأنك هتسمع حدوته ،مش جريمه قتل وقضيه خطيرة ومهمة صعبة فى انتظارنا
إنعقد حاجبيه بضيق من استهزاء مروان به فصاح به بضجر_مروان اخلص واحكيلى اللى حصل هفضل كده على عمايا مش عارف ايه اللى بيحصل
تنحنح مروان بجديه عندما رأى نظرات الاستياء فى عينى صديقه_ تحب ابدأ منين؟
أدهم بتفكير وهو يحك ذقنه _معتقدش موضوع الفلاشه كان خدعه ،هيه انسرقت منك فعلا،وانت روحت لنعمة علشان تستعيدها !
هز مروان رأسه بإيجاب وتجمدت تعابير وجهه عندما تذكر ما حدث _الحكاية بدأت لما روحت عند نعمة وانا فى قمة غضبى بعد ما اخدت الفلاشه وشوفت الصور المفبركه اللى كنت ساعتها عاجز عن انى اعرف انها مفبركه
_____
عندما عادت من مهمتها التى كلفت نفسها بها بغية التقرب الى ربها لعله يعيد لها ابنة مرة اخرى ،لتعرف ان حنين فى حالة نفسية سيئة جدا فأشفقت عليها وتوجهت نحو غرفتها تواسيها قليلا
كانت حنين راقدة فى الفراش بإعياء شديد وتجلس جوارها أمها وديما وبعض من فتيات العائلة ،لتطرق همسة الباب وتدخل بهدوء واعينها على المسكينه الراقدة بوهن فى الفراش
فتُفسح ديما المجال لامها لتجلس جوار حنين ،فتجلس همسة جوارها وهى تقول بوجه مشرق يشع أملا _حنين حبيبتى اللى اعرفها مش ضعيفه بالشكل ده ،ليه عاملة فى نفسك كده ،مروان هيرجع انا عندى يقين بده ،مش دى نهاية ابنى البطل ابداً
لتدمع أعين حنين وتنظر لهمسة بقهر على حالها محاولة ان يخرج صوتها فتقول بصوت خافت مبحوح _مروان طلقنى ياعمتو
لتجفل عينى همسة بصدمة فترمش عدة مرات بعدم تصديق،وكذلك الفتيات اللاتى تفآجئن بالخبر هن الاخريات
فتغمض همسة أعينها بألم وهى تقول فى نفسها_ليه كده يامروان ،ليه
لكنها تحاول التماسك امام الجميع فقالت وهى تنظر لنور وترجو ان يكون كلامها صحيحاً_اكيد فى سبب اضطره يعمل كده،احنا مش عارفينه
ومن ثم حاولت رسمة بسمة خفيفه على محياها وهى تضع يدها على وجه حنين تملس عليه بحنان_كلنا عارفين مروان بيحبك قد ايه وعمره ما هيتخلى عن حبيبته بالشكل ده ،اصبرى ياقلبى وباذن الله الامور هتتصلح للافضل ،استبشرى خير ياحبيبتى💜
لتلقى حنين بنفسها بين ذراعى همسة تدفن رأسها بين ذراعيها بقوة وكأنها تستمد منها الدعم والقوة على المقاومة والتماسك ،فتمسد همسة على شعرها الاسود المنسدل على ظهرها بحنان بالغ وتتنهد لتخرج ما بصدرها من ضيق وألم _ربنا هيجبر بخاطرنا انا واثقه من رحمة ربنا ،
___
###
فلاش باك
كان يضغط على ملابسها بقوة محكمًا قبضته على رقبتها من الامام ،فأحست انها تختنق فقالت بصعوبه_مروان..انا بتخنق
ليبتعد عنها مروان رامقاً إياها بضيق _ياريت، كنت ارتاح منك ،انا فى مصيبة دلوقتى بسببك
لتأخذ نعمة نفسها وتزفر براحه ثم تقترب منه وتقف خلفه لانه كان مولياً لها ظهره يتآكل من الغضب،فقالت بحزن_للدرجه دى أنا عالة عليك يامروان ،ونفسك تتخلص منى
ليدير مروان جسده تجاهها ليكون فى مقابلتها ليرمقها بشراسه_سيبك بقا من اسلوبك ده وانطقى قوليلى مين ده اللى انتى سرقتى فلاشتى وعطيتها ليه