قصر الصياد

بارت ٤٣ الاخير ج٢

كانت الفتيات خائفات للغايه ،وتحاول الابتعاد قدر الامكان والانزواء فى زوايه الغرفه ،بعضهن الذى كان مستكينا بسبب وجود ادهم الذى يعرفونه من قبل ،لكن بقية الرجال من هم وماذا يريدون منهم ،كان موقفا عصيبا جدا وخاصه عندما مد مساعد الطبيب يده وامسك باحدى الفتيات ورفع كم قميصها عنوة كى يحقنها الطبيب بالمخدر
مروان بخوف على الفتيات _براحه ياعم ،مسمعتش الباشا بيقول براحه على البنات ولا ايه
لترتجف الفتاة بين يدى هذا القاسى الذى يحاول تكتيفها حتى لا تتحرك ويتمكن الطبيب من حقنها بالمخدر حتى سكنت تماما بعد حقنها ،تم الامر مع فتاة اخرى
امسك ادهم ومروان بالسرنجات وبدءوا يعبئونها بالمادة المخدرة
الطبيب_بتعمل ايه انت وهو
ادهم بمكر _بنساعدك علشان تخلص بسرعه
الطبيب _هتعرفوا
مروان وهو يغمز لادهم_اكيد هنعرف
وهجما معا فى نفس اللحظة مروان على كتف الطبيب وادهم على كتف الرجل الاخر وحقنوهم بالمخدر

ليقول مروان للطبيب_انت حقنت كل البنات وتمت المهمه بنجاح ،مفهوم

ليقول الطبيب بطاعه بعد ان حقن بالمخدر_مفهوم
مروان _اقعدوا هنا لحد ما نقولكم اخرجوا

فاختارا ركن من اركان الغرفه وجلسا ساكنين بها

طمأن ادهم ومروان الفتيات _هتخرجوا من هنا قريب باذن الله المطلوب منكم تقعدوا هاديين وتنفذوا اللى هيقولوا عليه ،بمعنى مثلوا الطاعه التامه للى هيطلبوه

ادهم_خدوا بالكم من البنتين اللى اتحقنوا كويس اوى عينكم عليهم

اخذ مروان يكسر باقى القوارير التى تحتوى على المخدر وترك واحدا فقط ،اخذها ادهم لكى يتم مقارنتها بذلك الذى كان مع هايدى لاثبات تورطها مع العصابه فى الايقاع بالفتيات

مروان _انا هطلع انا والدكتور نقولهم ان كله تمام

_اتأخرتوا كده ليه ؟!
مروان بصوت يشبه تلك الطريقه التى يتحدث بها المجرمون _ياباشا البنات كانت معصلجه حبتين
كلم الرجل الطبيب_حقنتهم كلهم؟ ،ليقول الطبيب ما امره به مروان_كله تمام البنات كلها اتحقنت

ليكلم الرجل مروان وعلى ما يبدو انه زعيم العصابه

جهز البنات ونزلهم لتحت لحد ما اعطيك الاشارة تخرجوهم علشان التسليم

مروان_اوامرك ياباشا

لينزل مروان ومعه كميه كبيرة من رجال العصابه لحراسه الفتيات اثناء خروجهم من المنبى لكى يتم تسليمهم لتلك السفينه التى تقترب من المرسى والتى ستأخذهم الى بلد اخر كى يتم بيعهم او التجارة باعضاءهن او فعل اى شىء محرم وشنيع قد يجنى لهم اموال طائله

فتح مروان الباب قائلا لادهم _هات البنات وانزل انت والرجاله التسليم بعد لحظات من دلوقتى ،واشار مروان الى ادهم اشاره فهمها على الفور كانا قد اتفقا عليها تفيد بان يبقى مروان بالمبنى ليكى ينقذ الفتيات التى توجد بالمبنى باحدى الغرف والتى كانت قد عثرت عليهم همسه