ده الأول
كانت قاعدة بتقشر موز وتأكل بنهب وبطنها كبيرة قدامها لانها حامل خلاص في شهرها الأخير
_دومي حبيبي وجوزي وسندي وكل حاجة ليا في الدنيا
بصلها بنظرات كلها شك فيان المقدمة الطويلة دي وراها حاجة تانية
علشان كدا قال وهو بيلبس الكاجيت بتاعه
_عايزة إيه هاتي من الآخر يا ديدو، مش هتخيل عليا البداية دي
قضمت حتة موزة وقالت بتدلل
_ايه يا دومي مش بعبرلك على حبي وامتناني ليك، يا جوزي يا حبيبي!
رفع حاجبه وبصلها وقال
_ممم مع كمية الموز اللي أكلتيها دي .. لا مفتكرش
عملت انها زعلانة وقالت
_الحق عليا إني بسمعك كلام حلو ... كلام مش هقولك كلام حلو تاني
لبس الشوز بتاعه وقال بهدوء
_تمام يا حبيبتي.. أنا لازم أنزل علشان اتأخرت وهجيلك بالليل
قربت منه وحطت ايدها على كتفه وقالت
_ادهم .... ممم كنت عايزة أقولك حاجة مهمة..مهمة اوي
بصلها وضحك وقال
_ما أنا قلت من البداية الداخلة دي وراها إن
اتقمصت وقالت
_بقى كدا يا أدهم طب زعلانة منك.. يلا صالحني بقا
باس راسها بحب وقال
_لا حقك عليا.. ها قولي عايزة إيه قبل ما أنزل .. أجيبلك شجرة موز يا روحي وأنا راجع!!
قالت وهي بتحط أخر قشرة موز بعد ما أكلت صينية كبيرة منه
_لا أنا مبقتش أحبه زي الأول خلاص نفسي مبقتش جاية عليه.
بص للهرم اللي عملته من الموز وقال
_اه واضح يا روحي فعلا انك مبفتيش تحبيه زي الاول الهرم بتاع النهاردة قصير شوية صح!
كشرت وقالت
_ادهم انت بتقلس عليا
قال
_فشر يا روحي
_طب مش هتسألني عايزة اطلب منك ايه
مسك ايديها وباسها
_حبيبتي تطلب وأنا أنفذ
فقالت بسرعة ومأنها عارفة انها هتفجر قنبلة
_أنا غيرت رأيي ومش عايزة أولد.
فطس على نفسه من الضحك
_ههههه .. نعم يا ديما يا حبيبتي.. مش عايزة تولدي .. امال اللي في بطنك ده نعمل فيه ايه !
قالت بهدوء
_بسيطة يا أدهم .. نسيبه في بطني إيه المشكلة
_لا مفيش أي مشكلة خالص
قالها ومشي خرج من الاوضة
فجريت تلحقه وقالت بحماس
_ها يعني موافق يا أدهم
قال بسخرية
_موافق طبعا يا روحي ... سيبيه سنة ولا اتنين أهو يكون كبر كدا ويخرج على المدرسة علطول
_طب والله فكرة
زعق فيها وقال
_ايييه!! هيه ايه اللي طب والله فكرة.. إنتي جرا لعقلك حاجة يا ديما .
عيطت وقالت
_ادهم اسمع أنا بقولك أهو انا مش عايزة أولد .. يعني مش عايزة اولد وده آخر كلام عندي
أدهم حاول يكظم غيظه
_طب أقولها ايه دي بس يا ربي
فقالت
_أولد انت يا أدهم أنا مش هولد وده قراري ومش راجعة فيه.
أنت تقرأ
قصر الصياد
Mistero / Thrillerالجزء الثانى من همسة امل الجزء الثالث من لماذا يا ابى عندما تكون العائلة فى المقام الاول_عندما تكون العائلة متحدة _تكون قوة لا تقهر قصر الصياد حاصلة على التريند الاول _مسابقة_
