قصر الصياد

بارت ٣٩

ياشباب انا كنت قررت ان ده يكون البارت الاخير
بس كان لازم استفيد من النقد البناء اللى جالى على روايه اهدتنى معاقا ان النهايه مش واخده حقها ،علشان كده انا مش هجرى فى الاحداث المرة دى وخلينا ماشين واحده واحده لحد النهاية،مش مستعجلين حتى لا اقع فى نفس الخطأ

اليكم البارت ٣٩
قراءه ممتعه

بعد حوالى ساعه ونصف وصلت سيارة علاء الى الصعيد وخاصه البلد التى يسكن فيها اهل والد همسه

وضعت همسه يدها على قلبها فى خوف_ترى ماذا ستقول لهم ،لماذا جاءت هل تقول زيارة هى لا تدرى كم ستمكث هنا وماذا ستفعل بعد ذلك تنهدت فى أسى وحزن على مايحدث لها

علاء وهو ينزل من السيارة _حمدا لله على السلامه
نزل مروان من السيارة اولا ثم استدار الى الجانب الاخر ليفتح الباب لامه لترتجل من السيارة لتقول هى_ربنا يباركلى فيك يامروان

ما أن نزلت من السياره حتى وجدت عمها يأتى من بعيد وما أن وصل قابلتها _حمدلله على السلامه يابت اخوى ،وحشتينا جوى جوى ،متعرفيش فرحتى بيكى النهارده كيف

همسه باستغراب _ازى حضرتك ياعمو ،هو حضرتك تعرف اننا جايين

_ايوة طبعا وعاملينلكم استجبال يليق بيكم امال ،احنا عندينا اعز منيكم

مروان_ربنا يكرم اصلك ياعمى

_اهلا يابنى ،نورت البلد يامروان يابن الغاليه،كيفك ياحضرت الظابط

علاء_الحمد لله ياعمى ،اخبار حضرتك ايه

_منيح بشوفتكم ،تعالوا يلا على الدار مش هنقضيها سلامات ع الواقف اكده

مشت همسه وهى تشعر أن هناك شىء ما،كيف علم !! فأمر مجيئها الى هنا كان مفاجىء ،وعمها يعرف وجهز كل شىء لاستقبالهم ايضا

ما أن وطئوا باب البيت الكبير الخاص بجدها والذى اصبح عمها كبيره الان بعد موت الجد حتى وجدوا ادهم قادم إليهم ويقول وهو يرتدى جلباب مثل اهل البلد هنا،وعلى ما يبدو أن الجلباب لا تناسبه فهى قصيرة بعض الشىء ليقول بنفس لهجتهم  _اهلا اهلا نورتوا البلد كلياتها

ليضحك عليه علاء _ انت عامل فى نفسك كده ليه،الظاهر انك عشت الدور

همسه باستغراب _ادهم !!ايه اللي بيحصل هنا

ليقول عمها_هروح اجولهم بخبر وصولكم

قابل مروان ادهم بلكمه قويه فى وجهه_بقا احنا يتعمل فينا كده يا زفت ،كنت بتشتغلنا طول الوقت
لتقول همسه بغضب_مروان انت بتعمل ايه؟؟

علاء_سيبيه يا طنط ،هى دى التحيه بينهم ،دلوقتى ادهم يرد عليه بلكمه زيها

وفعلا يرد ادهم له لكمته بلكمه اخرى وهو يقول _دى تعليمات يا مروان ،وانت عارف كويس يعنى ايه تعليمات