قصر الصياد

بارت ٢٨ جنون شباب الصياد

قرر الذهاب بعيدا فهو لم يعد يطيق مرافقة الفتيات ،لذا قرر الاتصال بادهم ليأتى ليحل محله دون علم الوحش
_ادهم ،تعالى عند مول ..الوحش طلب منى مرافقة البنات وانا مش قادر استمر اكتر من كده

ضحك ادهم _الوحش طلب منك انت ،طب ليه

علاء بضيق_ادهم ،ارجوك مش وقت سخريه،انجز

ادهم_طيب ،جايلك ،مسافة السكه

كان مروان جالسا مع ادهم يؤديان بعض الاعمال فى الشركه

مروان _خير علاء عايزك ليه

أدهم_البنات ياسيدى فى المول والوحش بعت معاهم علاء وعلاء جاب اخره وعايزنى احل مكانه

مروان_عنده حق صراحه ،بس الوحش لو عرف انه خالف اوامره مش هيرحمه

ادهم _ربنا يستر ،سلام لما الحقه قبل ما ينفجر

مروان_هخلص اللى فى ايدى وهحصلك

ادهم_تمام

،،

وصل ادهم الى حيث المول واستطاع أن يلمح علاء يقف مستندا الى سيارته ويبدو انه شاردا فى امر ما

أدهم _اللى اخد عقلك ،ياباشا

علاء_هتتريق ،حضرتك ،انجز ادخل انا سايبهم لوحدهم من زمان ،زمانهم خربوا الدنيا جوا

أدهم وهو يمد يده للامام ويشبكهما معا ليقوم بفرقعه اصابعه وهو يقول _بسم الله ،يامعين

علاء_انت بتعمل ايه

ادهم_متاخدش فى بالك بستعد للحرب جوه

___
حازم _حبيبه يلا نروح للبنات ،انا قلقان على مرام ،خايف يكون علاء زعلها

حبيبه _اه كلنا ،قلقانين ،زمانهم معرفوش يتحركوا

حازم _طيب ،كلميهم شوفى هما فين

___
مرام بضحك _يخرب عقلك يا حور بجد ،انتى فظيعه ،انا مش عارفه انتى هتكونى معلمة اجيال ازاى

حور_يابنتى ،انتى ظالمانى على فكرة

ديما_صدقى ،علاء الحل الانسب ليكى ،ده انتى مشكله

حور_فى ايه يابنات على اساس انكم اول مرة تتعرفوا عليا

مرام _الحمد لله أن علاء مش هنا ،كان زمانا بقينا فى عداد الاموات دلوقتى

حور بمزاح_ربنا يجعل كلامنا خفيف عليه

نظرت ديما الى شىء ما جعلها تقول بفرحه_وااو فتحوا هنا نشان ،تعالوا نجرب

حور_حبيبه بتتصل ،يا ترى عايزة ايه

ديما وهى تسبقهم الى مكان العاب النشان _طيب انا هسبقكم كلموها وحصلونى

__
وصلت ديما الى المكان بفرحه فالنشان هو لعبتها المفضله وطالما كانت الافضل بين الجميع فى القصر فى الرمايه