قصر الصياد

قصر الصياد حلقة خاصه بارت ٧

ذهب الى غرفتهما حيث تكون زوجته فوجدها تجلس على الشازلونج الموجود امام الفراش فقالت بينما هو يُخْرج ملابسه من خزانة الملابس ليبدل بذلته بملابس نوم مريحه _ انت كنت بتكلم نعمة؟
ترك مروان ما فى يده ونظر الى زوجته وكاد ان يقول لها اتتجسسين علىّ ،لكنها اردفت قائلة _
سمعتك بالصدفه وانا داخله بتقول نعمة

فتنهد مروان براحه وقال _اه فعلا

نظرت له حنين نظرة ذات مغزى _خير ،ماهى كانت لسه هنا الصبح ؟

مروان_مفيش كانت بس بتشكرنى وبتطمنى على صحة باباها

لم يجيبها مروان الاجابه المقنعه لسؤالها ولم تشعر براحه تجاه هذه الفتاه _مروان ليه مش كلمتها قدامى ، حتى الصبح طلبت منى ادخل ؟

أخذ مروان ما يحتاجه واغلق الخزانة جيدا خلفه وقال ناظرا فى اعين حنين_ممم ده شك بقا

حنين _مروان انا استحالة أشك فيك وانت عارف كده
ابتسم مروان لها _مممم
حنين باستياء_بس البنت دى أنا  مش مرتاحه ليها ابدا ،خد بالك منها
اقترب مروان منها وجلس جوارها واضعاً ملابسه التى سوف يرتديها على ارجله قائلا بثقه _اظنك عارفانى كويس و عارفه إنى اقدر أفهم الانسان اللى قدامى كويس اوى ،مش مروان الصياد ان حد يقدر يضحك عليه

حنين بتفهم_ فاهماك يا مروان ،بس ممكن تسبب لك مشاكل إنت فى غنى عنها

ابتسم لها مروان بحب_متشلغيش بالك انتى ياحبيبتى ،ركزى معايا انا وبس

ابتسمت حنين وتخضب لون وجهها بالاحمر فقال مروان ممازحا _يا نهار ملون لسه تتحرجى منى

_____
كان مستلقٍ على الفراش يستعد للنوم  مغمض العينين عندما جاءته وجلست الى جواره _ دوما ..دوما
لكنه لم يجيب مما جعلها تهزه بحده كى يستيقظ
ففتح اعينه فى ضجر_ايه يا ديدو سيبينى أنام ،اجازتى خلصت وعندى شغل بكرة الصبح
قالت بصوت طفولى تدعى البراءه _دوما انا لو قلت ...
قاطعا قائلا باستنكار _دوما دى ايه دى كمان
ضحكت بشدة_ايه !!ده دلع ادهم ،ايه رايك حلو صح؟
لوى شفتيه _لا طبعا ،،مش حلو خالص،انا يتقالى دوما

ديما لاقناعه _ما هو يا ادهم يا حبيبي انا بس اللى هناديك بيه

ادهم وهو يحك ذقنه _ ممم،اذا كان كده ماشى ،بس ممنوع اسمعك تنادينى بيه قدام حد

هزت ديما رأسها بالموافقه _حاضر

ادهم بنعاس_ها كملى كنتى عايزة تقولى ايه

ديما وهى تلف شعرها حول اصبعها وتقول بخفوت _اصلى بصراحه عايزة ...

ضحك ادهم حتى بدت نواجزه_ومالك بتقوليها وانتى محروجه كده ،من امتا ديدو بتتكسف

جلست على ركبتيها ووضعت يدها على خصرها _يعنى انا مش بتكسف يا ادهم

ادهم بضحك_مش القصد ،اقصد انك لما تكونى عايزة أكل بتطلبى عادى ليه مكسوفه دلوقتى