قصر الصياد

قصر الصياد ٨

غادرت الجومانا واخذت الفتيات معها بعد أن اكدت لهن أن الشباب بخير ولا شىء اصابهن سوى فقط بعض الاجهاد والتعب ،حيث كانت الفتيات ترفض التحرك بدون الاطمئنان على الشباب
فعندما اخبرتهم جومانا انهم على ما يرام،ذهبن معها الى القصر

****
دخل الشباب الى القاعه الداخليه للقصر حيث يجلسون سويا على الارائك المريحه الموضوعه بها والمتراصه بجوار بعضها ومعلق  امامهم على الحائط شاشه ضخمه يتابعان مايعرض عليها من برامج تلفزيونيه وامامهم منضده كبيرة موضوع عليها بعض من السناكس والمكسرات والتسالى وعصائر بعدد الشباب

جلس الشباب عليها بعد أن قاموا بالاغتسال واخذ حمام دافئ بعد هذه الرمال التى غطت اجسادهم وارهقتهم بدنيا

زياد وهو يلقى باهمال بثقل جسده على الاريكه  فسقطت الوسائد الموضوعه على الاريكه من قوة سقوطه _انا محتاج افوز فى التحديين الباقيين والا كده هضيع ،اتصرفوا معياش غير ١٠نقاط وبس

مازن ولؤى بامتعاض وهم يشعرون بالضجر الشديد مما يحدث_واحنا كمان ، ١٠نقاط بس ،ومش عارفين التحديات الباقيه عبارة عن ايه

رعد بضيق_ازاى يعنى نخسر لما نساعد بعض ،انا مش راضى عن المسابقه المتخلفه دى

عمر_اكيد دى افكار الجومانه بتاعة جدو دى ،ياباى عاملة زى عاشماوى بتاع السجن

ضحك عليه كريم _صدقك تشبهه كتير فى تصرفاتها والله ساعات بخاف منها عليها نظرة قاسيه اوى

لؤى بحدة_اتلم يازفت منك ليه دى مهما كان مرات جدو ومينفعش نتكلم عنها بالاسلوب ده

كريم _يعنى عاجبك اللى بيحصل ده
لؤى_لا طبعا مش عاجبنى ،بس مش معنى كده انى اعيب فى حد ،مهما حصل لازم اخلينى راقى بأخلاقى

مازن مؤكدا وهو يقوم من مكانه ليصعد لغرفته_تمام يا لؤى،معاك حق ،المهم اتصرفوا وتخلونى افوز فى التحديات الجايه ،هرجع لاهلى اقولهم ايه ابنكم خسر ف المسابقه ؟ ثم ذهب الى اعلى حيث غرفته وهو يشعر بضجر شديد

زياد _رعد وعمر وكريم معاهم فرصه ،معاهم كده ٢٠نقطه ،احنا ١٠بس

عمر بضيق_بردو مش ضامنين الفوز ،عندك رعد لما عرف أن التحدى رفع اثقال كان متاكد من الفوز واهو خسر ،مش عارف بيفكروا ازاى

لؤى بضيق _انا طالع اوضتى ،عايز اغمض عينى وافتحها الاقى المسابقه دى خلصت

وفجاءه دخلت والدته ثريا وتبدو على ملامحها القلق _لؤى تعالى معايا بسرعه

عدل  الشباب من وضعية جلوسهم ،من كان نائما اعتدل فى جلسته ومن كان واضعا قدما فوق اخرى  قام بانزالها احتراما لثريا والدة لؤى

لؤى باستغراب _خير يا امى فى حاجه

رعد باستفهام_ماما البنات كويسه؟!