قصر الصياد

حلقة خاصه ٥

لحقت به سريعا وهو يخرج من باب مكتبه فنادت عليه بصوت عال الامر الذى جعله يبطأ من خطواته المهروله نحو ردهة منزله ويلتفت اليها_فى حاجه ياحنين
وزعت نظراتها تجاه ملابسه وقالت بتبرم_انت هتقابلها كده ؟
ضيق اعينه واجابها باستغراب_كده ازاى مش فاهم

رفعت سبابتها واشارت الى ملابسه_كده بهدوم البيت دى ؟

نظر الى ملابسه باستغراب فقد كان يرتدى تى شيرت ابيض ذو اكمام قصيرة وبنطال قطنى مريح باللون الرمادى _مالها هدومى !!

زفرت حنين بضيق وقال بنفاذ صبر_مروان من فضلك ممكن تروح تبدل هدومك ،مش معقول هتقابل حد غريب بالشكل ده ومش ده اللى انا متعودة عليه منك ،انت عمرك ما نزلت تحت كده قدام بنات العيلة مابالك بواحدة غريبه

ارتبك مروان ولكنه اخفى ذلك بجدارة وابتسم لزوجته مداعبا انفها بمشاكسه_قولى بقا انك غيرانه عليا ،على فكرة كنت هسمع كلامك علطول
حنين بغضب_مروان،مش حكايه غيره ،انا مستغربه اول مرة اشوفك متهاون كده فى الموضوع ده

رمقها بابتسامة هادئه _معاك حق ياحبيبتى ،مش مركز معلش

شبكت ذراعيها ببعضهما ونظرت له بتبرم_وايه اللى اخد عقلك ياباشمهندس

اقترب منها محاولا احتواء غضبها وغيرتها الواضحه فقال وهو يمسح على شعرها بحب_مفيش غيرك وبس اللى يقدر يأخد عقلى خليكى متأكده من ده
تركها محلها وتوجه سريعا الى الغرفه وبدل ثيابه باخرى مناسبه
خرج قائلا وهو ينظر اليها رافعا يده جانبا_ها كده براءه
ابتسمت بهدوء_تمام
ذهب الى الردهه ظنا منه ان نعمة تجلس بها لكنه لم يجد أحد فقال لحنين باستغراب_هيه فين
حنين _برا
مروان بضيق_حنين مش معقول سايباها برا كل الوقت ده  وليه مدخلتيهاش

حنين _مروان ،انا مش سايباها فى الشارع انت عارف ان برا البيت زى جوا بالظبط وانه جزء من القصر كل الحكايه ان القصر متقسم اجنحه خاصه فإيه المشكلة بقا

نظر مروان لها ولم يعلق وتوجه ناحيه الباب ،كانت نعمة تجلس على الاريكه بالخارج وبمجرد ان راته حتى هبت واقفه مهروله نحوه قائلة بلهفه _مروان
لكنه رمقها بحدة فانبهت هى لوجود زوجته جواره فقالت بارتباك _اقصد باشمهندس مروان
تكلم بجديه شديدة _خير يا نعمة فى حاجه
وزعت نظراتها بينه وبين زوجته وقالت بتردد ،ففهم هو فالتفت لحنين_حنين معلش ممكن تتفضلى انتى جوا
حملقت فى زوجها بزهول ،ايطلب منها تركهم وحدهم ،ما الذى لا يريدها سماعه لكنها تحاملت على نفسها ولبت رغبة زوجها
وما ان دخلت للداخل حتى قال مروان بحدة _نعمة ،انتى اتجننتى ايه اللى جابك هنا ؟
نظرت له بلهفه وقالت بدلال_اصلك مبقتش تسأل علينا ،فقلت أسال أنا.
رمقها بعينيه الحادتين بقوة اخافتها فقالت بتراجع_ااا.انت عارف ان بابا تعبان ومع ذلك مبقتش تسأل