قصر الصياد

قصر الصياد حلقه خاصه ٨

____
بعد ساعه قضوها فى انهاء الاعمال المهمه
توجه كل منهم الى سيارته قاصدين القصر ،دخلوا بالسيارات الى الجراج ولم يجدوا مكانا لوضع سيارتهم فقاموا بركنها فى جانب من الحديقه

مروان باستغراب_هو فى ايه ،ايه كل العربيات دى

ابتسم ادهم_ادخل انت لسه شوفت حاجه

هم مروان بالتوجه الى الباب الرئيسى للقصر فأمسكه ادهم _لا تعالى هنا فى الحديقه
مروان بضيق_ادهم ما تتكلم فى ايه بدل ما انت سايبنى كده

وما ان دخلا الحديقه حتى شما روائح شهيه تنبعث منها جعلت عصافير بطونهما تزقزق والحديقه تحولت الى مطعم وجميع العائلة مجتمعون كبير وصغير كل يقوم بعمل ما ،منهم من يتحدث الى بعضهم ومنهم من يعاون الاخر فى اعداد الطاولات ومنهم من يحضر العصائر والمشروبات ومنهم من يقوم بعمل السلطات

ابتسم مروان وقال _اوعى تقول دى فكرة ديدو
هز ادهم رأسه بايجاب_هو فى حد هنا يعرف يقول لديما لا،ده عمى لؤى  والوحش ما صدقوا عرضت عليهم الفكرة

مروان وهو يجوب بعينيه على كل الحضور_طب والله فكرة تحفه ،من زمان اوى متجمعناش كلنا كده

جاءهم حمزة مزمجرا وفى يده المروحه والماسك الخاص بالفحم  _خد يا خويا انت وهو مش دى فكرة اختك وزوجتك ،اشربوا بقا

ادهم باستغراب_ده ايه ياحمزة

حمزة بضيق_زوجتك يا سيدى عايزة حفلة باربيكيو (مشويات)

ادهم _عارف ،ايه دول بقا

حازم بضيق هو الاخر _الوحش أصر ان الشباب هيه اللى تقوم بالمهمه دى
حمزة وهو يحاول كظم غيظة _واحنا قاعدين من الصبح فى عز الحر ده نشوى الكمية المهوله دى لما جبت اخرى ،دورك بقا انت وهو
حازم بضجر هو الآخر_انا مش فاهم ليه احنا اللى نشوى وليه مشويات فى الجو ده ده عقاب مش حفلة عائليه دى

مروان وهو يأخد ماسك الفحم من حمزة_أمال عايز البنات هيه اللى تشوى فى الحر ده يا فالح ،هات يابنى اشوى انا

حازم وهو يناول ادواته لادهم_امسك انت كمان هروح ارتاح انا شويه
حمزة بغضب وهو يشير تجاه يامن وحسام وعلاء_عمك مشدد علينا كلنا نشوى ،والاخوة الاعزاء دول عاملين من بنها وقاعدين يحكوا ويضحكوا ولا هما هنا وانا وحازم اللى موتنا هنا
نظر ادهم الى حيث يشير اخوه
فضحك حمزةوقال لمروان عندما راى ادهم يتجه ناحية البقيه  _جالهم اللى هيعلمهم الادب

ادهم وهو يتوجه ناحية يامن والبقيه ،الذين يجلسون باريحيه على المقاعد ويحتسون العصائر _انت يا اخينا انت وهو قوموا شوفوا اكل عيشكم اللى مش هيشوى مش هياكل
ضحك الجميع ولكن لا احد برح مكانه
يامن مرحِبا بأدهم _اهلا يا ادهم عامل ايه