HBS 6: The Story Of You And Me (GirlxGirl) COMPLETED

Chapter 17

Alice

Ang mga nangyaring kaganapan ay nananatili parin aming dalawa ni Raven. Walang sino man mula sa aking mga kaibigan ang nakakaalam pa sa mga nangyari. Wala pa ang may ideya, kung ano ba talaga ang namamagitan sa amin.

Lihim na mga tinginan, lihim na pag ngiti sa isa't isa, mga lihim na pag hawak kamay habang nasa kalagitnaan ng klase at mga lihim na bulungan na siyang nagbibigay ng kiliti sa aming mga sikmura, lahat iyon, napaka sarap damhin. Napaka sarap ulit-ulitin.

Araw-araw, sinusundo ako nito sa aking boarding house. Ngunit pagdating sa harap ng gate ay muling maghihiwlaay kami ng landas, alam kasi namin na kapag hindi namin iyon ginawa, tiyak na pagpipiyestahan kami ng lahat estudyante.

Maging sa pagpasok ko sa aking trabaho sa gabi, nagagawa nitong hintayin na matapos ang shift ko, para lamang maihatid ako ng safe sa bahay. Minsan pa nga eh, doon na rin ito natutulog.

Pero wag kayong marumi ang isipan, wala pang nangyayari sa aming dalawa. I mean...hindi pa ako handa, ano? Isa pa, hindi ko pa nga sigurado kung girlfriend na ba ako ni Raven o sadyang sweet lang talaga ito sa akin.

Araw-araw, nag papanggap kami sa harap ng marami na parang wala lang. Ngunit ang totoo, ang mga puso namin ay nag-uumapaw sa galak at saya. Ang tanging makikita sa aming mga mata ay ang nagsusumigaw naming mga damdamin. Punong-puno ang mga iyon ng milyon-milyong pangarap para sa aming dalawa.

Nakaka excite pala ang ma-in love, ano? Iyong magigising ka sa umaga na mayroong matatamis na ngiti sa iyong mga labi. At siya, ang taong unang papasok sa iyong isipan. Parang wala ng kahit na ano o sino ang makakasira sa mood mo. Lalo na at ang mukha nito ang unang makikita sa umaga, pagkatapos ay maka hawak kamay kayong maglalakad patungo sa eskwela.

Hayyyy. Napahinga ako ng malalim habang napapangiti sa aking isipan.

Nasaan kaya siya ngayon? Kumain na kaya siya? Iniisip din kaya niya ako? Iilan lamang iyan sa aking mga katanungan habang tinatapos ang aking gawain.

Naging abala kasi ako sa ginagawa naming project ni Lila, kaya hindi ko yata nabigyan ng maraming oras si Raven ngayon.

Hindi na kasi siya ang ka partner ko. Hindi na rin nito kailangan pa ng anumang tulong galing sa akin lalo na sa major subjects nito. Natuto na si Raven, sa maniwala man kayo o hindi pero...napaka laki na ng nagbago sa kanya. Naging mas masipag na rin ito ngayon sa kanyang pag-aaral, nakakatuwa nga dahil isa ako sa naging dahilan ng mga iyon.

What I mean is, dahil natutukan ko itong i-tutor noon.

Kagagaling ko lamang sa Science Department dahil kinailangan ko ng i-submit sa aming Science teacher ang katatapos lamang namin na project. Naglalakad na ako ngayon pabalik sa aming classroom, nang mayroon akong marjnig na nag kukwentuhan. At mas lalo pa akong na intriga nang marinig ang pangalan ni Raven.

"What? I can't believe na kaya niyang gawin iyon. I mean, she's just a girl. Right?" - G1

Napatango ang mga kaibigan nito.

"Saan niyo naman nakuha ang balitang iyan?" - G2

"Well, kalat lang naman ngayon sa buong campus ang ginawang pambubugbog ni Raven sa dati nitong kaklase. No wonder kung bakit nagawa rin niya iyon kay Derek." - G1

Napalunok ako ng mariin sa mga naririnig. Pero hinayaan ko na lamang muna ang mga ito at nakinig pa sa anumang mga sasasabihin nila.

"I heard, natanggal siya sa Taekwondo Team dati dahil sa nangyari." -G3