HBS 6: The Story Of You And Me (GirlxGirl) COMPLETED

Chapter 38

Alice

"Hoy! RAVEN!" Sigaw ng isang pamilyar na boses mula sa may di kalayuan dahilan upang mabilis na muling maghiwalay ang aming mga labi.

Kapwa kami nagulat noong makita namin si Lila kasama ang kanyang asawa na si Sarah na naglalakad palapit sa amin.

What are they doing here?! Bakit hanggang dito nasundan parin nila ako?

"Bago ka mag propose sa kaibigan namin, pwede bang sa amin ka muna mag paalam?! Aba! Ang bilis mo naman yata." Dagdag pa nito noong tuluyan na silang nakarating sa aming harapan. With matching taas pa ng kanyang kilay bago napa cross arms.

Habang si Sarah naman ay blangko lamang ang expression ng mukha.

Noon din biglang sumulpot at umakbay si Billy kay Raven na hindi ko alam kung saan nang galing.

"Ayos ka rin ha. Hindi lang balikan ang nangyayari, gusto agad kasal. Ang totoo? Saan ka kumuha ng lakas ng loob--"

"Ako ang may gusto ng kasal, pwede ba?" Sabat at putol ko kay Billy na tinitignan si Raven nang may halong pagbabanta.

"Huwag nga ninyong ginigisa si Raven, ako ang pakakasalan hindi naman kayo." Sabay hablot ko sa braso nito at hinila ito mula kay Billy.

Bigla na naman kami nakarinig ng isang malutong na pag tawa mula kay Adriana na ngayon ay kadarating lamang, ngunit halatang narinig ang aking sinabi.

"Tumatanda na kasi kaya nagmamadali nang maikasal. Pumayag na kayo." Panunukso pa nito atsaka napatango kay Raven.

"Okayyyyy." Chorus naman nang tatlo habang napapatango.

"BUT." Bigay diin na muling sambit ni Adriana. "Stop that thing right now, dapat pinaghahandaan ang pag popropose hindi ganyan!" Lumapit ito sa amin atsaka mabilis na hinigit si Raven mula sa akin.

Hindi na ako nakapag protesta pa dahil agad na pinandilatan ako nito ng kanyang mga mata.

"Kailangan mo muna kaming talunin..." Muling sambit ni Adriana kay Raven.

"Sa inuman." Dagdag pa niya. Agad na napatawa si Lila at Sarah ganoon din si Billy.

"Adriana's right." Pag sang-ayon naman ni Breeze na ngayon ay parang hinihingal pa sa paglakad kasama ang kanyang asawa, habang naka buntot naman sina Sommer at Ivy sa kanila.

Sina Aerin at Rae lamang ang wala rito ngayon at hindi nakasama sa amin dahil masyadong abala ang mga ito sa ganitong season. Si Aerin na kaliwa at kanan ang mga kompanya, habang si Rae naman ay mayroong nakakasakal na schedules at mall shows.

Hindi nakaligtas sa aking paningin ang pagtitig ni Adriana kay Raven nang masama. Awtomatiko naman na napalumok si Raven dahil dito.

"Sa amin ka muna dadaan bago mo tuluyang maging asawa si Alice. Get's mo?" Napatango na lamang ang kawawang Raven sa kanila.

Napatawa na lamang din ako dahil sa cuteness ni Raven. Ngunit hindi parin nawawala sa aking dibdib ang nararamdamang inis sa aking mga kaibihan.

Napapailing at napahilot ako sa aking noo na muling nagbaling ng tingin kay Adriana.

Kahit kailan talaga panira sila ng moment.

"Teka nga, bakit ka ba kasi kayo nandito?" Tanong ko sa kanila at isa-isa silang tinignan sa kanilang mga mukha. "Atsaka paano ninyo natunton na narito kami ni Raven?"

Makahulugan at defensive na tinignan ng mga ito si Billy na ngayon ay kunwaring nagpapalinga-linga sa paligid.

Agad naman na nakuha ko ang ibig nitong sabihin.