Unicode
Arc(2.9)
ထိုဖြစ်ရပ်ဖြစ်ပြီးနောက်ရှီရှန်းမှာသူ့မိဘတွေရဲ့အုပ်ထိန်းမှုအောက်ပြန်ရောက်သွားတော့သည်။အခုဆိုရင်သူတို့နှလုံးသားကစတီးနဲ့လုပ်ထားသလိုပဲသူ့တောင်းဆိုသမျှကိုနားမထောင်ပေးတော့ပေ။
ရွှီးဟွမ့်ရဲ့မတော်တဆဖြစ်ရပ်နောက်ကွယ်ကလူသည်လွန်ခဲ့တဲ့နှစ်အနည်းငယ်တုန်းကကြီးမြတ်သောဝူနိုင်ငံတော်သို့စီးပွားရေးလုပ်ရန်နိုင်ငံရပ်ခြားတိုင်းပြည်မှလာသည့်ကုန်သည်ကြီး၏သမီးကုယန်ဝူရဲ့ကိုယ်လုပ်တော်ဖြစ်သည်။
ရွှီးဟွမ့်တစ်ယောက်တည်းဆိုရင်ပေါ့ပေါ့ပါးပါးပြီးစီးသွားနိုင်ပေမယ့်ဟဲကျွော်ယန်နဲ့ကျုံကျစ်တို့လိုတော်ဝင်အင်အားပါ,ပါဝင်ပတ်သတ်လိုက်တဲ့အခါမှာတော့သူ့အပြစ်ဒဏ်ကသေလောက်သည်အထိဖြစ်သွားရသည်။
လက်ရှိ,ရှီရှန်းကသူ့အခန်းထဲမှာထိုင်နေပြီးစာရွက်ပေါ်မှာတစ်စုံတစ်ခုဆွဲနေတဲ့အချိန်မှာအားလင်ကရုတ်တရက်အခန်းထဲသို့အလျင်အမြန်ပြေးဝင်လာသည်။
"သခင်လေး!ရတနာစံအိမ်ရဲ့စာရင်းစာအုပ်ကိုကြည့်လိုက်ပါဦး!"
အားလင်ကစိတ်လှုပ်ရှားစွာဖြင့်ပြောရင်းစာရင်းစာအုပ်အားရှီရှန်းလက်ထဲသို့စိတ်အားထက်သန်စွာနဲ့ကမ်းပေးသည်။
ရှီရှန်းကလှမ်းယူလိုက်ပြီးအထဲကစာရင်းကိုအမူအယာတစ်ချက်မပြောင်းပဲတစ်ချက်သာကြည့်လိုက်တာကြောင့်အားလင်ကိုစိတ်ရှုပ်ထွေးသွားစေသည်။
"မပျော်ဘူးလား?"
သူကစာအုပ်ကိုမကြည့်တော့ပဲပြန်ဖြေသည်။
"အားလင်,မင်းသားကုရဲ့အိမ်တော်ကဆင်းရဲနေတာမှမဟုတ်တာအဲ့ဒါကြောင့်ဒီလောက်ပမာဏလေးနဲ့အရမ်းကြီးစိတ်လှုပ်ရှားမနေနဲ့ဒါမှမဟုတ်မင်းရဲ့လစာကအရမ်းနည်းနေတယ်လို့ထင်လို့လား?"
အားလင်ကချက်ချင်းသူ့ခေါင်းလေးကိုပလုပ်တုတ်လိုခါယမ်းပြသည်။
"မဟုတ်ဘူး,မဟုတ်ဘူး!သခင်လေးကကျွန်တော်ဗိုက်ဆာလို့သေလုနီးပါးဖြစ်နေတဲ့အချိန်မှာခေါ်လာပေးပြီးကျွန်တော့ကိုသခင်လေးရဲ့ကိုယ်ပိုင်အစေခံအဖြစ်ခန့်အပ်ပေးကတည်းကကျွန်တော့ဘဝရဲ့အကြီးမားဆုံးကံကောင်းမှုပါပဲအဲ့ဒါကြောင့်လစာမလိုအပ်ပါဘူး!"
YOU ARE READING
အရန်ဇာတ်ကောင်အဖြစ် အဆင့်နိမ့်ကျသွားခြင်း
Randomအခြားဝတ္ထုတွေမှာဆိုရင်ဒီဇာတ်ကွက်ကတစ်ခြားသူတွေရဲ့ဖျက်ဆီးခြင်းကြောင့်ပျက်စီးရမှာဖြစ်ပေမဲ့...ဇာတ်လိုက်ကျော်ကြီး ရှီရှန်းကတော့တစ်ခြားသူတွေဖျက်ဆီးဖို့အခွင့်အရေးမရသေးခင်မှာပဲသူ့ဇာတ်လမ်းတစ်ခုလုံးအား သူကိုယ်တိုင်ပဲဖျက်ဆီးလိုက်လေသည်။ Transmigrator A - သူ့ရဲ့...
