You Own Me Someone

Arc5.3စစ္ရိပ္ျခံ

Arc5.3 စစ်ရိပ်ခြံ

ရိပ် ဆေးရုံတက်နေရတဲ့တစ်ချိန်လုံး သူလည်းရိပ်အနားကတစ်ဖဝါးမှမခွာဖြစ်။ ကုမ္ပဏီလည်းမသွားဖြစ်ခဲ့။ ရိပ်ကသူ့ကိုအနားကပ်ခွင့်မပေးရင်တောင် သူကတော့မရမကပဲ ရိပ်အနားကပ်ကာလိုအပ်သမျှကို လုပ်ကိုင်ပေးခဲ့လေသည်။

ရိပ်ဆေးရုံကဆင်းကာမှ ကုမ္ပဏီကိုပြန်သွားဖြစ်ခဲ့ပေမယ့် ခဏသာ။ ရိပ်နဲ့သူ့ကလေးလေးကိုဂရုစိုက်နိုင်ဖို့အတွက် အချိန်ပိုပေးဖြစ်လေသည်။ ဒါပေမယ့် ရိပ်ကတော့သူ့အပေါ်စိမ်းကားနေဆဲ။

မှားခဲ့တဲ့လူကသူဆိုတော့လည်း ဘယ်လောက်ပဲအချိန်ယူရယူရ ရိပ်သူ့အပေါ်အရင်လိုပြန်ဖြစ်လာဖို့ သူကြိုးစားမည်။ သူ့အတွက် အခုအချိန်မှာ ရိပ်သူ့အပေါ်အရင်လိုပြန်ဖြစ်လာဖို့က အရေးအကြီးဆုံးပင်။

''ရိပ် နိုးရင်ထတော့နော် ကိုယ်အောက်ထပ်မှာ ရိပ်စားဖို့အတွက်မနက်စာပြင်ပေးထားတယ်''

''အင်း ကျေးဇူးပဲ ငါစားလိုက်ပါ့မယ် မင်းအလုပ်သွားရမှာမလားသွားလေ ငါ့အတွက်နဲ့အလုပ်ပျက်မခံပါနဲ့''

''ကိုယ်သွားပါ့မယ် နိုင်ငံခြားကရင်းနီးမြှုပ်နှံမယ့်လူတွေနဲ့ အစည်းအဝေးရှိလို့ကိုယ်သွားရမှာ ဒါပေမယ့် အစည်းအဝေးပြီးတာနဲ့ ကိုယ်တန်းပြီးပြန်လာခဲ့မယ် အိမ်အလုပ်တွေဘာမှမလုပ်နဲ့နော် ကိုယ်ပြန်လာမှအားလုံးလုပ်မယ်''

''အင်းပါ''

ငြိမ်နေတဲ့ရိပ်အနားကပ်သွားကာ နဖူးလေးကိုအနမ်းဖွဖွလေးပေးပြီး ကုမ္ပဏီကိုသွားဖို့အတွက်ထွက်လာခဲ့လိုက်သည်။

သူ့ရှေ့ကလူထွက်သွားတာနဲ့ ထိုသူနမ်းသွားတဲ့နေရာကို နီရဲဘာတဲ့အထိလက်နဲ့ပွတ်ပြစ်လိုက်သည်။ မကြိုက်ဘူး။ သူ့ချစ်သူကလွဲပြီး သူ့ကိုဘယ်သူနမ်းတာကိုမှမကြိုက်ဘူး။

ဗီရိုထဲကအဝတ်အစားတွေကို suitcaseထဲပြောင်းထည့်ပြီး သူလက်မှတ်ထိုးထားတဲ့ ကွာရှင်းစာချုပ်ကိုခုံပေါ်တင်ခဲ့ကာ ထွက်လာခဲ့လိုက်သည်။

[host ထွက်သွားမလို့လား]

'အင်း မူလပိုင်ရှင်ရဲ့ဆန္ဒကသူ့သားလေးနဲ့ အေးအေးချမ်းချမ်းနေသွားချင်တာလေ အဲ့တော့ဇာတ်လိုက်နားမနေလည်းရတယ်ဆိုတော့ ငါထွက်သွားတော့မယ်'