You Own Me Someone

Arc7.4 နန္ကုန္းခ်င္းယဲ့

Arc 7.4

ချင်းယဲ့တစ်ယောက် အပြင်ကိုထွက်လာသည်နှင့် တစ်မြို့လုံးရှိလူတွေအတွက် လုပ်လက်စအလုပ်တို့ကိုပစ်ချကာ ဒဏ္ဍာရီလာအလှကို ကြည့်ရှုကြဖို့အတွက် ရောက်ရာအရပ်မှပြေးလာကြလေသည်။

မျက်နှာကို ပုဝါပါးအုပ်ထားသော်လည်း ထိုပုဝါပါးကိုဖျက်၍ မြင်နေရသည့်အလှလေးကပင် ကမ္ဘာပေါ်ရှိ ယောကျ်ားမိန်းမအားလုံးကို ရူးသွပ်သွားစေဖို့လုံလောက်လေသည်။ နန်ကုန်းအိမ်တော်အပေါက်ဝမှ ဆေးမျှော်စင်သို့ရောက်သည်အထိ သူ၏နောက့ရှိ လူတန်းကြီးမှာ လုံဟူမြို့ကို ဆယ်ပတ်မျှပတ်ထားရန်လုံလောက်လေသည်။

လမ်းပေါ်ရှိ သခင်မလေးအချို့မှာတော့ စိတ်ထဲတွင် မနာလိုရန်သာတတ်နိုင်လေသည်။ နန်ကုန်းချင်းယဲ့သည့် ပါရမီထူးသလို ဒဏ္ဍာရီတွင်သည့်အလှတစ်ပါးဖြစ်သည့်အတွက် ချစ်ခင်အားကျသည့်လူတွေပေါသလို ထိုသခင်လေးအား မနာလိုမရှုစိမ့်သူများမှာလည်း မှိုလိုပင်ပေါများလေသည်။

ထိုအထဲတွင် နောက်ထပ်ဇာတ်လိုက်တစ်ဦးဖြစ်သူ လီဖုန်းယဲ့သည်လည်း တစ်ယောက်အပါအဝင်ဖြစ်သည်။ လီဖုန်းယဲ့မှာ လှပ၍ပါရမီရှိသော်လည်း သူ၏လီမိသားစုမှာ မိသားစုကြီးလေးခုလောက် အင်အားမကြီးမားသလို သူကိုယ်တိုင်သည်လည်း နန်ကုန်းချင်းယဲ့ကိုမကျော်လွန်နိုင်ပေ။

ထို့ကြောင့် လီဖုန်းယဲ့သည် ချင်းယဲ့အပါအဝင် အင်အားကြီးမိသားစုမှသခင်လေး သခင်မလေးများ အားလုံးကိုမုန်းလေသည်။ လီဖုန်းယဲ့တွင်လည်း သန့်စင်သောကျောက်စိမ်းခန္ဓာကိုယ်ရှိကာ ကျင့်ကြံရေးအတွက် များစွာအကျိုးပြုလေသည်။ သို့သော်လည်း သန့်စင်သောကျောက်စိမ်းခန္ဓာကိုယ်သည် ရှားပါးခန္ဓာကိုယ်အမျိုးအစားများတွင် အဆင့်နိမ့်သည့်အထဲတွင် ပါဝင်လေသည်။

ထို့ကြောင့် လီဖုန်းယဲ့သည် သန့်စင်ယင်ရေခဲခန္ဓာပိုင်ရှင်ဖြစ်သည့် လီဖုန်းယဲ့အား ဖျက်စီးပြစ်ချင်စိတ်တို့ ပြည့်နှက်နေသူဖြစ်လေသည်။ အမှန်တစ်ကယ်လည်း နန်ကုန်းချင်းယဲ့၏ဘဝကို ဖျက်စီးခဲ့လေသည်။

ဆေးမျှော်စင်ဘက်တွင်တော့ မျှော်စင်၏စီမံခန့်ခွဲရေးမှုးသည် သခင်လေးနန်ကုန်း၏ အလည်ရောက်လာမှုကြောင့် အလုပ်များလျက်ရှိနေတော့သည်။ ထိုသခင်လေးကိုသာ ဒေါသထွက်စေမိပါက သူ့ဘဝအတွက် အာမခံချက်ရှိမည်မဟုတ်ပေ။