You Own Me Someone

Arc6.12လီယြဲ႔ဟူ

6.12

''နှင်းလေကျွန်းရဲ့ခေါင်းဆောင် လီချင်းကို အဖွဲ့ပေါင်းစုံတွေ့စုံပွဲကိုတက်ရောက်ဖို့ ဖိတ်ခေါ်ပါတယ်''

ယွဲ့ဟူအပြင်ရောက်ရောက်ချင်းပင် ကြားလိုက်ရသည့်အသံက ထိုအသံတစ်ခုထဲသာဖြစ်သည်။ ကျွန်းတစ်ခုလုံးကတိတ်ဆိတ်နေကာ ဖန်ရှင်းကရှေ့ဆုံးကနေ ကျွန်း၏အပြင်ဘက်သို့ မျက်မှောင်ကြုတ်ကာကြည့်နေသည်။ သူလာ်း အသံလာရာဘက်သို့လှည့်၍ကြည့်လိုက်တော့ အသံကကျွန်းအပြင်ဘက်က လွင့်လာခြင်းဖြစ်သည်။

ဝိညာဉ်စွမ်းအားကို မျက်လုံးထဲထည့်၍ နောက်တစ်ဖန်ကြည့်လိုက်တော့ ကျွန်းအပြင်ဘက်တွင် ဇာတ်လိုက်တို့အဖွဲ့ကိုတွေ့လိုက်ရသည်။ သို့သော်လည်း ခေါင်းဆောင်မှာတစ်ခြားတစ်ယောက်ဖြစ်ပြီး  ချန်ဟေးလုံကတော့ ထိုခေါင်းဆောင်၏အနောက်တွင် ရို့ရို့လေးနှင့်ရပ်နေရှာသည်။ ယခုနက ကြားလိုက်ရသည့် အသံပိုင်ရှင်မှာ ထိုလူဖြစ်ပုံရသည်။

'ဖန်ရှင်း အဲ့လူကဘယ်သူလဲ မူလပိုင်ရှင်ရဲ့မှတ်ညဏ်ထဲရော ငါရထားတဲ့ဇာတ်ကြောင်းထဲမှာရောမပါဘူး'

[သူ့နာမည်က ချင်းမင်ပါhost ဇာတ်လိုက်မရဲ့ရွှေပေါင်တွေထဲကတစ်ချောင်းပါ မူလဇာတ်ကြောင်းမှာတော့ ပိုင်ဟောင်မင်က ချန်ဟေးလုံကိုပဲရွေးခဲ့တာကြောင့် ချင်းမင်ကနောက်ကွယ်ကနေပဲ ပိုင်ဟောင်မင်တို့အတွဲကိုပံ့ပိုးပေးခဲ့တာပါ အခုအချိန်မှာ hostမွှေးခဲ့တဲ့မီးကြောင့် ပိုင်ဟောင်လုံနဲ့ချင်းမင်တ်ု့က တွဲသွားကြတာပါ]

'အော်..'

တစ်ဖက်ကမ်းကလူတွေက ပင်လယ်သားရဲတွေကိုကြောက်၍ထင်သည် သူတို့စီကိုမလာကြဘဲ ကမ်းခြေကနေသာလှမ်းအော်နေလေသည်။ ယွဲ့ဟူက နန်းတော်ထဲမှာစွမ်းအင်ကျင့်ကြံနေသည့် လီချင်းနှင့်ချင်းကျိုးတို့ကို အပြင်သို့ခေါ်ထုတ်လိုက်သည်။ သူတို့နှစ်ယောက်အပြင်သို့ ရောက်လာသည်နှင့် ဖြစ်နေသည့်ကိစ္စတို့ကို အကျဉ်းချုပ်ကာရှင်းပြလိုက်သည်။

''ယွဲ့ဟူပြောတဲ့အတိုင်းဆို ဒီလူတွေကိုယ်တို့စီကိုလာတာ ပြဿနာရှာဖို့အတွက်တော့မဟုတ်လောက်ဘူး'' လီချင်းကပြောလိုက်တော့ ကျန်သည့်လူတွေကခေါင်းညိတ်လာကြသည်။