The General Loves A Village Girl (Arc-2) (Complete)

Chapter - 24

Unicode

ပျိုနီပန်းပင် VS ကြောင်မြီးမြက်ပင်

Translator : Dancing_Breeze
_________________

ယွမ်သုန်က အာ့ယာကို ခက်ထန်တဲ့အမူအရာနဲ့ လက်ညှိုးထိုးသည်။

"နင်က ဘယ်လိုလုပ် မင်းသမီးကို နှုတ်မဆက်ဘဲနေရဲတာလဲ!?"

ရှက်ရွံ့မှုက အာ့ယာရဲ့နီညိုရောင်မျက်နှာထက်မှာပေါ်လာသည်။ သူမမှာ စကားတစ်ခွန်းထွက်ဖို့ကို ခဏကြာသည်အထိ ကြောင်အနေခဲ့၏။

"အိုင်း၊ အိုင်း..."

[T/N : အာ့ယာက ဒေသိယစကားနဲ့ပြောနေတာပါ။]

သူကြိုက်တဲ့လူ ဒုက္ခရောက်နေတာမို့ သွမ့်ရှင်းဟွေ့ရဲ့မျက်နှာထက်မှာ မကျေနပ်မှုတစ်စွန်းတစ်စဖြတ်ပြေးသွားသည်။ သူက နဉ်ရှုကို လက်သီးဆုပ်အရိုအသေပေးကာ စကားမပြောခင် နှုတ်ခမ်းတို့ကို မပျော်မရွှင်ဖြင့် တင်းတင်းစေ့၏။

"မင်းသမီးခင်ဗျာ၊ အာ့ယာက ကျေးလက်ကဖြစ်ပြီး ထုံးတမ်းစဉ်လာတွေကို မသိပါဘူး။ ဂုဏ်သရေရှိမင်းသမီးက သဘောထားကြီးတာမို့ ကျေးဇူးပြုပြီး သူ့ရဲ့အားနည်းချက်ကို သည်းခံပေးပါခင်ဗျာ။"

လီး! ဒီတော့ သူမက ဒါကိုသည်းမခံရင် သဘောထားမကြီး၊ စိတ်ထားမမြင့်မြတ်ဘူးဆိုတဲ့အဓိပ္ပာယ်ပေါ့လေ? ဒါက သူမကို ကိုယ်ကျင့်သိက္ခာနဲ့အကျင်ကိုင်တာပဲ။ နဉ်ရှုရဲ့အမူအရာက အေးစက်သွားပြီး သူမပတ်လည်က ခံ့ညားထည်ဝါတဲ့အော်ရာက သိပ်သည်းလာသည်။

နဉ်ရှုက နူးညံ့စွာဆိုသည်။

"အရှင်မင်းကြီးကိုလျှောက်တင်ဖို့ စစ်သူကြီး နန်းတော်ကို မြန်မြန်သွားသင့်တယ်။"

"မင်းသမီးရဲ့စိုးရိမ်ပေးမှုအတွက် ကျေးဇူးအများကြီးတင်ပါတယ်။"

သွမ့်ရှင်းဟွေ့က လက်သီးဆုပ်သည်။ ထိုလှုပ်ရှားမှုနှင့်ပင် သူက အာ့ယာကို သူ့လက်မောင်းတွေနဲ့ထွေးပတ်လိုက်၏။

သွမ့်ရှင်းဟွေ့မှာ ထက်မြက်ချောမောတဲ့ရုပ်ရည်ရှိသည်။ ဒါ့အပြင် သူ့အမူအရာက အမြဲတမ်းတည်ငြိမ်နေတာမို့ ခြုံငုံကြည့်လိုက်လျှင် သူက အင်မတန်အလေးအနက်ထားတတ်ပြီးယုံကြည်ရတဲ့ခံစားချက်ကိုပေးစွမ်းနိုင်တဲ့ပုံပေါ်သည်။ သူ့လက်မောင်းကြားကလူက မိန်းမလှလေးတစ်ယောက်သာဆိုပါက ဒါက သူရဲကောင်းနဲ့အလှလေးရဲ့ ပြီးပြည့်စုံတဲ့မြင်ကွင်းဖြစ်ပေလိမ့်မည်။ သို့သော်ငြား စိတ်မကောင်းချင်စရာမှာ အာ့ယာက အလှလေးဆိုတာနဲ့ နည်းနည်းအလှမ်းဝေးနေခဲ့၏။ သူမကို သွမ့်ရှင်းဟွေ့အနားထားလိုက်တဲ့အခါ ဒါက မလှမပမြင်ကွင်းကိုဖြစ်သွားစေသည်။