The General Loves A Village Girl (Arc-2) (Complete)

Chapter - 6(Chp-69:မြောင်ချင် )

Chp-69:မြောင်ချင်

နဉ်ရှုက သူ့ကိုယ်အနုနည်းနဲ့မောင်းထုတ်တာကိုသိလိုက်တဲ့မင်းကြီးကမျက်မှောင်ကြုတ်လိုက်ပြီးတော့ လေသံပျော့လေးနဲ့
"ကောင်းပြီလေ ,ငါသွားတော့မယ်၊ မင်းရဲ့ကျန်းမာရေးကိုဂရုစိုက်ပါ ၊တွမ်ရှင်းဟွေ့ မရှိတော့ရင်တောင် တခြားကောင်းတဲ့လူတွေ ကျန်ပါသေးတယ် " ဆိုပြီးပြောလိုက်လေတယ်။
ဇာတ်ကြောင်းထဲမှာလည်းဘဲ လီဝမ်က ဒီလိုမျိုးပြောခဲ့တယ်။ဒါပေမယ့်မင်းသမီးကျားဟွေ့ကတော့
'ဒါပေမယ့် တွမ်ရှင်းဟွေ့ကတော့ တစ်ယောက်ထဲရှိတာလေ'ဆိုပြီး ပြန်‌‌ဖြေခဲ့တဲ့ အတွက်လီဝမ်ကို ဒေါသထွက်ခဲ့စေလေတယ်။သေချာပေါက် နဉ်ရှုကတော့ ဒီလိုပြောမှာမဟုတ်ပါဘူး။သူမသာ လီဝမ်ကိုစိတ်အနှောင့်အယှက်ဖုစ်စေခဲ့ပြီး သူမကို အဝေးပို့ဖို့အတွက် လက်ထပ်ခိုင်းခဲ့ရင် သူမမှာငိုစရာနေရာတောင်ကျန်မှာမဟုတ်ဘူး။
အဲ့တာကြောင့် နဉ်ရှုက လုံးဝကိုဝမ်းနည်းပြီးခံစားနေရတဲ့ ပုံစံနဲ့
"အကိုတော် အခုအချိန်မှာကျားဟွေးရဲ့ အတွေးတွေကမတည်မငြိမ်ကမောက်ကမ ဖြစ်နေတဲ့အတွက် ကျန်တာတွေကို မစဉ်းစားချင်သေးပါဘူး"ဆိုပြီးပြန်ဖြေလိုက်လေတယ်။သူမရဲ့ အဖြေကိုကြားတဲ့အခါ လီဝမ်ဟာ နောက်ထပ်တစ်ခါထပ်ပြီး မျက်မှောင်ကျုံ့ လိုက်ပြန်လေတယ်။ ဘာလို့မှန်းမသိပေမယ့် သူတစ်ခါမျက်မှောင်ကျုံ့လိုက်တိုက်း နဉ်ရှုရဲ့နှလုံးဟာကြောက်စိတ်တွေနဲ့ တုန်လို့နေတော့လေတယ်။သူမက မူလhostရဲ့ အပြောအဆိုအပြုအမူတွေနဲ့ အနီးစပ်ဆုံးတာအောင်တော့နေနေတာဖြစ်လေတယ်။*မဟုတ်မှလွဲရော ငါ့သရုပ်ဆောင်စွမ်းရည်က အဲ့လောက်တောင်ဆိုးတာတော့မဟုတ်ပါဘူးနော်*
လီဝမ်ကလည်း ခေါင်းငြိမ့်လိုက်ပြီးတော့
"မင်းလိုချင်တာရှိရင်ပြော ၊မင်းရဲ့ယောင်းမတော်ကို ပို့ခိုင်းလိုက်မယ်" လို့ပြောပြီးတာနဲ့ သူက အ‌စေခံနှစ်ယောက်ကိုခေါ်လိုက်ပြီးတော့ "မင်းသမီးလေးကိုသေချာဂရုစိုက်"ဆိုပြီး အ‌မိန့်ပေးလိုက်လေတယ်။ အစေခံနှစ်ယောက်ကလည်း တညီတညွတ်ထဲ "နားလည်ပါပြီ"ဆိုပြီး ပြန်လည်လျှောက်တင်လိုက်ကြလေတယ်။
လီဝမ်ဟာ သစ်ခွဥယျာဉ်နန်းဆောင်ကထွက်ခွာသွားတာနဲ့ အမျှ မြောင်ချင်ရဲ့အကြည့်တွေကလည်းသူ့ဆီမှာသာ ကပ်ပါသွားလို့နေတော့လေတယ်။နဉ်ရှုကတော့ ဘေးကမေကြည့်ပြီးတော့သာခေါင်းခါလို့နေတော့လေတယ်။
မူလ host ကသူမရဲ့အစေခံတွေကိုလုံးဝကို ဂရုမထားတာဘဲ။တစ်ယောက်က သူမရဲ့အကိုတော်ကိုကြံနေပြီး နောက်တစ်ယောက်ကလည်းသူမရဲ့ ခင်ပွန်းလောင်းကိုသဘောကျနေတာတောင် နည်းနည်းလေးမှမရိပ်မိဘူး...။
ဘယ်လောက်တောင်ဝမ်းနည်းဖို့ကောင်းလဲ။
ဒီရက်ပိုင်းအတွင်းမှာ နဉ်ရှုကတည်"ငြိမ်"နဲ့အချိန်တွေဖြတ်ကျော်ပြီး သူမပြန်ကောင်းလာဖို့ကိုဘဲအာရုံစိုက်ထားလို့နေတော့လေတယ်။ဒါပေမယ့် ဒီရက်ပိုင်းအတွင်းသူမသိလိုက်ရတာကတော့ မူလhostကတော်တော်လေးကို အလိုလိုက်ထားခံရတယ်ဆိုတာဘဲ။
ကြင်ယာတော်တွေက သူမကိုနေ့တိုင်းလာကြည့်ကြပြီးတော့ သူမ ရတဲ့လက်ဆောင်တွေက ခြင်း‌ပြည့်တောင်းပြည့်သာဖြစ်တော့လေတယ်။အဲ့ထဲက အများစုကအလွန်ကိုတန်ဖိုးကြီးပြီးရှားပါးတဲ့ကျောက်မြတ်ရတ‌နာတွေဖြစ်ပြီး ကြင်ယာတော်တွေကိုယ်တိုင်ရက်လုပ်ပြီး ချုပ်ထားပေးတဲ့ လက်ကိုင်ပုဝါနဲ့ ဖိနပ်အထိပါဝင်လေတယ်။