၁၂၉။ မင်းသမီးကျားဟွေ့ရဲ့ဆွဲဆောင်မှုရှိတဲ့နတ်ဆိုးဆန်ဆန်အပြုံး
_________
သူမဆီလာခိုလှုံတဲ့ဒီသနားစရာအမျိုးသမီးတွေ ဆက်လက်ရှင်သန်နေထိုင်သွားနိုင်ဖို့ သူမမျှော်လင့်တယ်။ အဲ့လိုဖြစ်ဖို့ သူတို့တွေ အပြင်းအထန်လေ့ကျင့်ရမယ်။ ဒီလိုမှပဲ စစ်မြေပြင်မှာအသက်ရှင်နိုင်ဖို့ သူတို့ အခွင့်အရေးပိုရမှာ။
ခန့်မှန်းထားသည့်အတိုင်း နှင်းကျတာရပ်သွားချိန်မှာ ဟယ့်လျန်ယင်းက တာတာတပ်ဖွဲ့တစ်ဖွဲ့ကိုဦးဆောင်ကာ မြို့ကိုလာတိုက်သည်။
နဉ်ရှုက မြိုရိုးမှာရပ်နေကာ ဟယ့်လျန်ယင်းနဲ့အကြည့်ချင်းဆုံသွားသည်။ စိတ်ထဲမှာတော့ သူမ အတော်လေးပျာသွားသည်။ ဒီလူက ဘာလို့အခုထိမသေသေးတာတုန်း? အဆိပ်က လုံလောက်အောင်မပြင်းလို့များလား? လခွမ်း! အရင်တစ်ခေါက်တုန်းက သူ သွေးတွေအန်ထားတာကို အခုကျ ပြန်ခုန်ပေါက်နိုင်တဲ့အထိအခြေအနေကောင်းနေပြီ။
ဒီနေ့မှာ ဟယ့်လျန်ယင်းက သားမွေးထည်ဝတ်စုံကိုဝတ်ထားသည်။ သူ့လည်ပင်းထက်ရှိသားမွေးက သူ့ကို ပိုမိုအရိုင်းဆန်ကာဩဇာပြည့်ဝပုံပေါ်စေသည်။ သူက နဉ်ရှုကိုမော့ကြည့်ကာအပြုံးတစ်ခုပေးလာ၏။ ထို့နောက် သူက လက်တစ်ချက်ဝှေ့ယမ်းကာ စစ်သည်တွေကို မြို့ကိုတိုက်ဖို့အတွက် လှေကားတွေနဲ့မြို့ရိုးဆီပြေးဝင်သွားစေလိုက်သည်။
စစ်ဗုံတွေစတင်မြည်ဟီးလာသည်။ နဉ်ရှုက အေးစက်စွာအော်သည်။
"မြားပစ်!"
မြားမိုးက တာတာတွေဆီကျရောက်သွားပြီး မြို့ကိုတိုက်နေတဲ့တာတာအများစုမှ ချက်ချင်းဆိုသလိုဖြူကောင်တွေဖြစ်ကုန်သည်။
"ထပ်ပစ်။"
နောက်မှာရှိတဲ့စစ်သည်တွေက ရှေ့ကစစ်သည်တွေနဲ့ချက်ချင်းနေရာလဲလိုက်ကြသည်။ အမျိုးသမီးအတော်များများမှာ အောက်ဘက်ကလာတဲ့မြားတွေအထိခံထားရတာကို နဉ်ရှု မျက်လုံးထောင့်ကနေတွေ့လိုက်ရသည်။ သူမရဲ့နှလုံးသားက ခဏလောက်တုန်ရီသွားပေမယ့် သူမက သူမကိုယ်သူမတည်ငြိမ်အောင်ပြန်လုပ်လိုက်သည်။
VOCÊ ESTÁ LENDO
The General Loves A Village Girl (Arc-2) (Complete)
Ficção HistóricaAuthor(s) : Hen Shi Jiao Qing 很是矫情 Original name : 快穿之炮灰女配逆袭记 ဒါက Quick Transmigration Cannon Fodder's Record of Counter Attacks ရဲ့ Arc 2 ပါ Start Date :20.4.2020 End Date : 25.3.2023
