Unicode
Chapter 111: ဒီမင်းသားက မြင်မြင်ချင်းချစ်သွားတာ
___________________
ဟယ့်လျန်ယင်းရဲ့ ဂုဏ်မောက်နေတဲ့အမူအယာကိုတွေ့တဲ့ နဉ်ရှုကလှောင်ရယ်လိုက်လေတယ်၊ သူကတကယ်ကို သူမကသူ့ကိုသေချာပေါက်လက်ထပ်လိမ့်မယ်လို့ထင်နေတဲ့ပုံပဲ။
သူက ယုံကြည်မှုအရမ်းလွန်ကဲနေတာမဟုတ်ဘူးလား၊ အကောင်းအတွက်လားအဆိုးအတွက်လားမသိပေမယ့် တာ့ယုံကနိုင်ငံကြီးတစ်ခုဖြစ်ပြီး မင်းသမီးကျားဟွေ့က မူလဇာတ်ကြောင်းထဲကလောက်အမုန်းမခံရဘူး။
ကပွဲရဲ့တစ်ဝက်လောက်ရောက်ပြီး အကမယ်တွေထွက်သွားတာနဲ့ ဟယ့်လျန့်ယင်းကထရပ်ပြီး ခန်းမရဲ့အလယ်ကိုလျောက်သွားတယ်။
သူ့ရဲ့လှုပ်ရှားမှုတွေက သားကောင်ကိုသေချာချိန်ထားပြီးခုန်အုပ်တော့မယ့်ချီတာကျားလိုယုံကြည်မှုတွေပြည့်ဝလို့နေတယ်၊ သူ့ရဲ့ယောက်ျားပီသတဲ့ရုပ်ရည်နဲ့တင် မိန်းကလေးတွေရဲ့နှလုံးသားကိုဖမ်းစားလို့ရနေပြီဖြစ်တယ်၊ သူ့ရဲ့အတွင်းစိတ်ကမည်းနက်နေတာကတော့ နှမြောစရာဘဲ။
ပွဲတက်လာတဲ့လူတွေက ဟယ့်လျန့်ယင်းထတာကိုတွေ့တာနဲ့ အဓိကပွဲစပြီဆိုတာကိုသိလိုက်ကြတယ်၊ တကယ်တော့ဒီညစာစားပွဲက မင်းသမီးကျားဟွေ့ရဲ့ ကံကြမ္မာကိုအဆုံးအဖြတ်ပေးမယ့် ပွဲဆိုလည်းမမှားလေဘူး။
ဟယ့်လျန်ယင်းက နဉ်ရှုကိုအရင်စိုက်ကြည့်လိုက်ပြီး သူမက ရိုင်းစိုင်းမှုအနည်းငယ်ပါရှိတဲ့ လျစ်လျူရှုသောအမူအရာနဲ့ သူမနေရာမှာ ထိုင်နေတာကိုတွေ့တဲ့အခါမှာ သူက ရုတ်တရက် ပြုံးလိုက်ပြီး လီဝမ် ဆီသို့ လက်သီးဆုပ်ကာ "တာ့ယုံရဲ့ ဧကရာဇ် အရှင်မင်းကြီး၊ ကျုပ်တို့တိုင်းပြည်က ကြီးမြတ်တဲ့ယုံမင်းဆက်နဲ့ ငြိမ်းချမ်းရေးအတွက် လက်ထပ်ထိမ်းမြားရန် ဆန္ဒရှိပြီး ကျုပ်တို့နှစ်နိုင်ငံရဲ့ဆက်ဆံရေးကို ပြုပြင်ချင်ပါတယ်" ဟယ့်လျန်ယင်း က နဉ်ရှု ဘက်သို့ လှမ်းကြည့်လိုက်ပြီးတော့ "ဒီမင်းသားက မင်းသမီး ကျားဟွေ့ ကို မြင်မြင်ချင်း ချစ်မိသွားတာ၊ ကျုပ် သူ့ကိုကြိုက်တယ်"
နဉ်ရှု မျက်လုံးပြူးသွားသည်။ မြင်မြင်ချင်း ချစ်တယ်လို့ပြောရအောင် ရူးနေတာလား? နဉ်ရှု စိတ်ထဲကနေလက်ခလယ် ထောင်ပြလိုက်တယ်။ ကြိုက်တယ်? သူက ကျားဟွေ့ရဲ့ ခန်းဝင်ပစ္စည်းတွေတန်ဖိုးနဲ့ အပိုင်စားရထားတဲ့မြေကို ကြိုက်တာနေမှာပေါ့
VOUS LISEZ
The General Loves A Village Girl (Arc-2) (Complete)
Fiction HistoriqueAuthor(s) : Hen Shi Jiao Qing 很是矫情 Original name : 快穿之炮灰女配逆袭记 ဒါက Quick Transmigration Cannon Fodder's Record of Counter Attacks ရဲ့ Arc 2 ပါ Start Date :20.4.2020 End Date : 25.3.2023
