The General Loves A Village Girl (Arc-2) (Complete)

Chapter-47

Unicode

Chapter 110: မြောက်မွန်ဂိုလီးယား သံတမန်များအတွက် ညစာစားပွဲ
_______________________

နဉ်ရှုဟာ စာဖတ်ခန်းထဲကနေထွက်လာတာနဲ့ စိတ်သက်သာရာ ရသွားပေမယ့်တချိန်ထဲမှာဘဲ အားလျော့သွားသလိုပါခံစားလိုက်ရလေတယ်။ သူမကျောမှာ ချွေးစေးတွေရွှဲနေပေမယ့် သူမစိတ်ထဲမှာတင်နေတဲ့အလုံးကြီးကတော့ ကျသွားပြီဖြစ်တယ်။

သူမကသစ်ခွနန်းတော်ကိုရောက်တာနဲ့ အစားနည်းနည်းစားပြီးအိပ်ရာထဲလှဲလိုက်တာနဲ့ ချက်ချင်းအိပ်ပျော်သွားတယ်။မြောင်ချင်းက သူမကို မြောက်မွန်ဂိုလီးယားသံတမန်တွေအတွက် စားပွဲတက်ဖို့ရှိတယ်ဆိုပြီးလာနိုးတဲ့အချိန်မှသာနိုးလာလေတယ်။

နဉ်ရှုကသူမရဲ့ မြင်းစီးအဝတ်အစားတွေကိုချွတ်ပြီးတော့ သူမ မဝတ်တာကြာပြီဖြစ်တဲ့ တန်ဖိုးကြီးမင်းသမီးအဝတ်အစားတွေကိုပြန်ဝတ်ရတယ်၊ သူမရဲ့ဆံပင်က အဆောင်အယောင်တွေအပြည့်ဖြစ်ပြီး ဝတ်စုံကလည်းပုံမှန်ထက်ပိုရှုပ်ထွေးကာ အထပ်ပေါင်းများစွာပါပြီး ဝတ်စုံလက်ကလည်းရှည်လေတယ်၊ နဉ်ရှုကဒီလိုဝတ်ရတာကျင့်သားမရသေးတဲ့အတွက် ခေါင်းပေါ်က အဆောင်အယောင်တွေကြောင့် သူမရဲ့ခေါင်းပြားတော့မလိုခံစားနေရတယ်။

မြောင်ချင်းက နဉ်ရှုနဲ့အတူလိုက်ချင်ပေမယ့် ဘယ်လိုလုပ်ပြီးနဉ်ရှုကသူမကိုလိုက်ခွင့်ပြုပြီး လီဝမ်ကိုတွေ့ခွင့်ပေးနိုင်မှာလဲ၊ သူမရဲ့အစီအစဉ်က မြောင်ချင်း အပယ်ခံရပြီး သေလုနီးပါးခံစားရအောင်လုပ်ဖို့ပဲလေ။

မြောင်ချင်းက ဖုံးကွယ်ထားတဲ့အမုန်းတရားတွေနဲ့ကြည့်နေတဲ့အချိန်မှာပဲ နဉ်ရှုက စားပွဲကျင်းပရာနေရာကိုသွားပြီဖြစ်တယ်။

ခန်းမကလင်းထိန်နေပြီးတော့ ထောင့်တိုင်းမှာလည်းသီချင်းသံတွေနဲ့ပြည့်လို့နေတယ်၊ အခန်းရဲ့အပြင်အဆင်နဲ့ တီးလုံးသံတို့ရဲ့ပေါင်းဖက်မှုက ပွဲကိုတက်ရောက်လာတဲ့လူတွေရဲ့ စိတ်အာရုံကိုဖမ်းစားယစ်မူးသွားစေတယ်။

နဉ်ရှုဝင်သွားတဲ့အချိန်မှာ ခန်းမကအနည်းငယ်ငြိမ်သက်သွားပြီးတော့ လူတွေအကုန်လုံးက သူမရှိရာဘက်ကိုလှည့်ကြည့်လာကြတယ်၊ နဉ်ရှုကတော့စိတ်ထဲကနေကျိန်ဆဲ‌လို့နေတယ်။ ဒီလူတွေက မိန်းမတစ်ယောက်နဲ့လဲလှယ်ပြီးရထားတဲ့ ငြိမ်းချမ်းရေးနဲ့ပျော်ပါးနေတယ်၊ သူတို့ကယောက်ျားတွေကောဟုတ်သေးရဲ့လား။