The General Loves A Village Girl (Arc-2) (Complete)

Chapter - 43

Chapter 106: ငြိမ်းချမ်းရေးအတွက် ထိမ်းမြားလက်ထပ်ခြင်းပြဿနာ

လီဝမ်ကခေါင်းငြိမ့်လိုက်ပြီးတော့ နန်းတော်ကိုပြန်ဖို့ပြင်တော့တယ်၊

အဲ့တော့မှဘဲ နဉ်ရှုကသက်ပြင်းချနိုင်တော့လေတယ် ၊ အခုဆိုရင်သူမရဲ့တန်ဖိုးကို လီဝမ်ကိုပြနိုင်ခဲ့ပြီဖြစ်တယ် ၊ ဒီလိုဆိုရင် ငြိမ်းချမ်းရေးအတွက်လက်ထပ်ပေးဖို့ပြောတဲ့အခါမှာ လီဝမ်ကအနည်းလောက်တော့တုံ့ဆိုင်းမှာဖြစ်တယ်၊ ဟုတ်တယ်မလား ??

ဒါပေမယ့် နဉ်ရှုရဲ့စိတ်ထဲမှာတော့လေးလံလို့နေလေတယ် ၊ သူမရဲ့ မစ်ရှင် အောင်မြင်လားကျဆုံးလားဆိုတာက ဒီလက်ထပ်ထိမ်းမြားမှုအပေါ်မှာ အများကြီးမူတည်လို့နေလေတယ် ။

ပြောရမယ်ဆိုရင် သူမလုပ်ရမယ့်တာဝန်တော်တော်များများက ပြီးလို့နေလေပြီဖြစ်တယ် ၊ သွမ့်ရှင်းကိုသဘောမကျမိစေနဲ့ ? အင်း ၊အဲ့တာကလည်းပြီးသွားပြီ ၊ သွမ့်ရှင်းဟွေ့နဲ့ အာ့ယာ အဲ့ဒီမကောင်းတဲ့အတွဲ ပျော်ရွင်စရာဇာတ်သိမ်းမရစေနဲ့ ၊ ဟုတ်ပြီဒီတစ်ခုကလည်းပြီးသလောက်ရှိနေပြီ ။ အကယ်၍ကိစ္စတွေသာဒီလိုမျိုးဆက်ပြီးဖြစ်နေရင် အာ့ယာနဲ့သွမ့်ရှင်းဟွေ့တို့ကြားထဲမှာ အတားအဆီးတွေအများကြီးရှိလာပြီးတော့ သူတို့အတွဲအတွက်ပြသနာတွေဘဲဖြစ်နေမှာဆိုတော့ ပျော်ရွင်ရမှာမဟုတ်ဘူး ။

မူလဇာတ်လမ်းအရဆိုရင် အာ့ယာက မြို့စားကတော်တစ်ယောက်ကိုကယ်လိုက်တဲ့အတွက် ရာထူးမြင့်တိုးခံလိုက်ပြီးမှ သခင်မသွမ့်ရဲ့လက်ခံမှုကိုရတာဖြစ်တယ် ။ ဒါပေမယ့်အခုဆိုရင် သွမ့်အိမ်ရဲ့ကိစ္စတွေကိုရှုပ်ထွေးအောင်လုပ်မယ့်ယွင်သုန်ရှိနေတဲ့အတွက် အာ့ယာကအပြင်တေယင်မထွက်နိုင်ဘဲ အိမ်ထဲမှာဘဲအပြုအမူပိုင်းဆိုင်ရာတွေနဲ့ပတ်သတ်ပြီးသင်ယူနေရလေတယ် ။

အာ့ယာက အပြုအမူပိုင်းဆိုင်ရာစည်းမျဉ်းစည်းကမ်းတွေကိုသင်ပြီး အဲ့အတိုင်းနေရင်ကော သွမ့်ရှင်းဟွေ့ကသူမကိုကြိုက်အုန်းမယ်တဲ့လား ? ဟားဟားဟား

နဉ်ရှု မျှော်လင့်ထားသလိုဘဲ သိပ်မကြာခင်မှာဘဲ ဟန် တွေဆီက သံအမတ်တွေမြို့တော်ဆီကိုရောက်လာလေတယ် ၊ ဒီတစ်ခါလာတဲ့သူက ဟန်ဘုရင်ရဲ့ ဒုတိယသား ဖြစ်တဲ့ လွင်ပြင်ဒေသရဲ့ဒုတိယမင်းသားဖြစ်လေတယ် ။