سجلت لك في صفحة الطيب ميلاد بين الرجال الي عريقة نسبها ترفع لك الراية على رؤس الامجاد وان شبت النيران تخمد لهبها وان كان لأهل الطيب سيد وأسياد ترى أنت سيدها وسيد عربها منقول
مشهد....
كمت طلعت كلت لأمي باجر اغيب يمه فدوة نروح بيت فرحة اطلب منها ملابس اروح بيهن للعرس..كالت تاكلين تبن هبة مو كافي سنتين رسبتي ابوج متحلف بيج بس ترسبين هالسنة يطلعج وتعرفين الي تبطل مصيرها الزواج لا غير...
كلت لا لا كلشي ولا الزواج ماريد اتزوج اريد اكمل دراستي واصير محامية ان شاء الله لو دكتورة حتى ماخليكم بهالحال...
مشهد....
هبة:والله امي تشتغل عدهم وماتسولف عنهم هل كثر..وانتي خرطتي الأكو والماكو عنهم..تدرين عرفت ليش امي تتجنب تسولفلي عنهم
ميساء:هاااا وليييش
هبة:احسها ماتريد اتأمل بولدهم او احب او اباوع لواحد منهم..يعني تفهمين عليه ماتريدني اتعلق او احب احد منهم..احنه وين وهمه وين
ميساء:انتي متأكدة مراهقة..لسانج مال عمرهم خمسين سنة..والله بالنسبة الي مايهم صرت لسيد فرج او لا..بس اريد احبه..شعوور يخبل من اشوفه بس من يغيب عادي يعني..بس من اشووفه امووعن هيييبة يسطر والله
هبة:انهو الأعجاب الطايح حظهو يا اختاه ارجو ان لا تحبيه وتاكلين تبنن وخ....نن ونعولتن..اكول حياتي امشي للبيت نتغده ونجهز للعرس احسن مانحلم احلام تضحك
ميساء:ههههههه لعنتي ام اللغة العربية ههههههه..هبوو اليوم اجي للعرس البس لبس يطركع اريد اشوف سيد فرج اخخخخ كلبي....
مشهد....
من فزعتي ورعبي ركضت لأبويه كعدته من نومه كتله بهلع بويه طاح السكف مالنه..وامي كالت برعب الجهال..كام بسرعة ركض وهو بالكوة يمشي..وامي ركضت وراه...
