السلام عليكم
حبايب الي ماعرفو شنو الدم الأصفر يابه هاي الدم دليل على انو انتي راح تطهرين من الحيض والدم الاصفر استحاضة والدم الأحمر حيض يسمونه هيج اذا حابة تفهمين اكثر شوفي رسالة سيدنا السيستاني 🙈
البارت ال20...
رواية ابناء السادة....(هبةُ السيد)
بقلمي اساور التميمي.....
يا اجمل رواية انكتبت بدمي..وانتشرت وصلت لحمي وعظمي...♥
هبة.........
سمعت صوت الباب يندك..بطني وجعتني اكثر وزاد توتري..كلت تفضل..دخلت عمة ترانة...خجلت منها بوضعي عبالي محمد اجه...
عمة ترانة:هبة انتي زينة يمه ماعجبني وضعج مساع حتى عشه ماتعشيتي ظل بالي عليج
احس جيتها بوقتها بودي اشمر حملي على اي احد يتحمله..اكله الي صارلي ويتفهمني..بس مايكون السيد ماكدر اكله انه يمكن بيه شي خاف يطلع مابيه شي...
علت الضوى لزمت بطني من الخوف:لا عمه مو بخير..انتي مثل امي وحيل احبج عمة لذلك راح اكلج ومحمد ابنج...اليوم طهرت من العذر الشرعي..خايفة حيل خايفة
عمة ترانة ضحكت واجت كعدت عالسرير:عبالي بيج شي يمه خرعتيني عليج..تعاي كعدي هبة..سهلة يمه ماكو شي يخوف ابد..هاي طبيعة البشر..هسة تغمضين تفتحين تلكين كلشي خلص..ومحمد وليدي واعرفه تربيتي يمه زلمة عاقل وطيب وحنانه مبين بكل تصرفاته وكلامه..مو متهور يمه ولا هو شاب اول عمره حتى تخافين منه..تزوج بعده العشرين ماطابه بس ابد مامد ايده لو تجاوز على حرمته...الله يرحمها مرمرت حاله..مرة ضربها لأن تمادت ومايصير نذكر مساءها راحت لربها...ماتهنه لا وياها ولا ويه نور..وكلبه بقه ويه وليده الي يجي كل فترة اتشتت...الي اريد اكوله يمه محمد ملجوم مرتين لذلك راح يراعيج ويحطج بعيونه..ولاحظت وليدي عشكانج هبة ههههه..صيري سباعية فرحي رجلج ونفسج
خجلت واطمنت من كلامها:ماكو من ابنج عمة غبية الي تركته وخسرته..الله يكدرني واسعده ان شاء الله
عمة ترانة:الله يسعدكم يمه اطمنت عليج..اروح هسة يجي محمد..تتهنه يمه بعروستك الحلوة طالعة كيكة...
ضحكت بخجل..تذكرت ركبتي عزاا شافتها اكيد يبوو شكد فشلة اكيد تعرف هاي شنو..يبوووووو يافضيحتج هبة....
فتحت الباب تريد تطلع هو دخل للغرفة..كال الحجية منورة الغرفة وين ماشفناج...
عمة ترانة:جيت اشوف هبة شبيها ماتعشت مساع طلعت تدلل علينه مرة الشيخ
محمد باوعلي:آهااا وليش ماتعشت على شنو تدلل..وابتسم..
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
