السلام عليكم اللهم صل على محمد وآل محمد
البارت ال30.....
رواية ابناء السادة(هبةُ السيد)
بقلمي اساور التميمي......
خل نرجع شوي
ريتال......
نعيم وكف يم السوك:شنو المحتاجته
ريتال:هااا لا لا سيد ما محتاجة شي
نعيم:كنالج بلا كلفة سيد..صرت زوجج..كولي اسمي..نزلي يالله ناخذلج ملابس محتاجة هواي شغلات انتي..اول ما الدشداشة العليج اتحركيها تشككيها..تسويها وصلة مسح ماريد اشوفها عليج..ضيكه ومو حلوة
هزيت راسي بلا..بس مصر نزلني..اشترالي هواي شغلات..بس ملابس داخلية مارحنه صوبهن..استحي..بس محتاجهن ملاتي خربن واستحي اطلب منه او من احد...
كلت اوصي خديجة هي تروح للسوك دوم هي وعمتي ام محمد...
رجعنه للبيت صار مغرب..بعد العشه وسوالف الولد...
لحظة اذكرت انه راح انام يم نعيم الليلة بنفس الغرفة..شلون راح تكون وين انام..شو متوترة وخايفة...
رحتت للغرفة ارتب ملابس الخذيتهن واقيسهن..كلهن عالجرباية طلعتهن...التفت لصوت الباب...
اعرف هاي هو اكيد دك الباب حسيت:تفضل
دخل وسد الباب..خجلت منه راح يشاركني غرفته منا وهيج..اجه ساكت تمدد عالسرير...نزلت الملابس والاشياء بالأرض...
نعيم:اشوف بعدها هالدشداشة عليج
التفت:ماصارلي فرصة ابدلها..هسة اروح ابدلها بالحمام
نعيم:خليج هنا بدلي..راح اطلع..راد يطلع التفت..تكدرين تنامين عالجرباية انام بالأرض
هزيت راسي:لا لا انته نام عالسرير انه انام عالارض متعودة عادي
نعيم:لا انتي نامي عليه..يالله بدلي طالع...
طلع قفلت الباب بدلت الدشداشة تجنن حلوة وشوي فضفاضة هذيج ام ماجد جابتها الي تكلي انتي رشيقة يمه ويالله تجي بيج هاي بس طلعت ماعاجبه السيد يكول ضيكه...
فرشتلي بالارض قبل لا يجي خلي ينام هو عالسرير..اخاف انام هناك وينسه انه بي ويجي يجيت يمي...
اندك الباب لبست شالي بسرعة..فتحته..كال ها بدلتي..هزيت راسي بأي...لاحظته يباوع بوجهي شني مستغرب السيد اول مرة يشوفني لو شنو...
ماطول بنظراته..بس حسيته عبالك اول مرة يشوفني عدل..ظليت واكفة مصنمة..اباوعله كعد على طرف السرير...
نعيم:اكدر انام هسة
انتبهت:هاااا ليش لا نام سيد
نعيم اشر على الفراش:واكفة على الفراش اكدر انام..ومو كتلج لا تكولين سيد كولي اسمي بدون سيد
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
