السلام عليكم اللهم صل على محمد وآل محمد
البارت ال28.....
رواية ابناء السادة(هبةُ السيد)
بقلمي اساور التميمي......
بالديوان......
راح للديوان هناك سراج يريد ينام..انسدح بصفه على مخدته...كام جابله فراش فرشه يم سراج شوي عنه...
نعيم:ويكلولك الزواج استقرار وينه الاستقرار..مشتت وضايع انه
سراج:ههههههه شنو مطرود بعد اخوك
نعيم:شحده اليطردني..طلعت بكرامتي...
ضحكووو سويه..غيث دخل وياه قاسم وزيد....
نعيم:هاااك استلم يوم المشردين العالمي
غيث:هههههههههههه خالي فارشلك هنااا..رووووح شوفو خالي نعيم مطرود
نعيم:لا ما مطرود بس الله دزني الك حتى ادبك الليلة..وين جنتو تسختون
غيث:هو انته خالي طاردتك مرتك وجاي هنا وتغيرها علينه..غمزله..اكو واحد مثلك توه مزوج يعوف نعمة الله ويطلع غير طاردتك
نعيم:اي انه متعافي عن النعمة وطلعت من يم مرتي انته شعليك..احجي كلمة زايده واخليك تركص سامري بالعكال
قاسم:انه همزين ماحجيت هههههههه
زيد:خالي بس اسأل عادي
نعيم:لا تسأل ولا تفصم نهائياً..يالله لو تولون تنامون لو تنامون هنا وماسمع ولا نفس..اريد انام
غيث:خالي انته تنام هنا وافوتها..جيب فراشنه زويد..تعال قويسم خل نتسله بعمك...
كعد بصف خاله نعيم على فراشه...
نعيم كسر ظهره بيده:شايفني سيرك وبرنامج ترفيهي تتسله بيه..كووووم لا تجيك دفره بعد
غيث:آخخخخخ ظهري...على كيفك الحصان العربي الأصيل المهره مالتك تحتاج رفساتك..
كام ركض شرد كبل لا ينكفخ من خاله وهو يضحك...
قاسم:عمي صدك شو عايف مرتك..الزلم حتى لو تتزاعل ويه نسوانها..ماخذين قانون زعلي بحظني..اشو ما مطبقه عمي الحبيب..ويغمز لعمه...
غيث:يمكن بعده يحب الحب الاولي..هو شفت شكاتب على واتسابه..مايرهم عليج احد غيري انتي قفل وانه مفتاحج
نعيم:لا تظل تجفص من يمك وتجذب من يومه واتسابي مكتوب عليه مشغول..واذا تحجي بعد هالحجي ازين شاربك..مو مال واحد ينطيك وجه
غيث:خالي والله اشاقة وياك شبيك عصبت..وهاي بوسة لراسك..اسف...
راح يريد يبوس راسه ماقبل...
سراج:مابي الا يجفص
نعيم:يالله انطمرو وماسمع صوت
غيث:تدلل خالي مانحجي وداعتك...
أنت تقرأ
ابناء السادة(هبةُ السيد)
Lãng mạnقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
