ابناء السادة(هبةُ السيد)

البارت السادس

السلام عليكم

اي شخص ينقل روايتي يستأذني رجاءاً وينقلها بحقوقي وبنفس الأسم ماقبل تغير الأسم هواي جاي يغيرون اسماء قصصي وينقلوها بدون حقوقي

لا تنسون تعبي وتفاعلو عالفقرات هواي🥺💔 اكثر شخص يتفاعل انشر حسابه ويفوز بغش وياي او اهدي البارت اله

البارت السادس...
رواية ابناء السادة....(هبةُ السيد)
بقلمي اساور التميمي.....

انطأفت الشمعة ونسينا ان نتمنى💔

اول ماطلع الفجر للديوان..دخل الولد كاهم نايمين بس نعيم وسراج يصلون وابوه...ابو محمد جاي يسبح...

محمد:صبح الله بالخير يابه..باس راسه..

ابو محمد:هلا بعريسنا..صبحك الله بالخير يابه..الله يرضه عليك..متباركين يابه

محمد:يسلمك الله يابه ويباركنه بوجودك..هذول ليش ماكاعدين يصلون

نعيم توه خلص صلاته:صباح الخير عريسنا بالمبارك ان شاء الله..يوم الولد الصالح ان شاء الله...صحت وشغلت الضوى مافاد..هسة تجيهم صوندة الماي اذا مافادت العكال موجود

محمد راح شال الغطه عن ابنه:قاسم كوم صلي..يعني الا اجيب ماي يالله تكوم

قاسم طفر:هااا يابه كمت هاااي كمت..تألم لزم صدره..جسمي يأذيني اكثر من امس

محمد:ان شاء الله تصير زين بعد امس زين ماتكسرت الله ستر..روح اذكر الله الشفاء برضاه وبذكره

قاسم:ان شاء الله يابه...راح مشه بألم يتوضئ...

محمد: غيث.. زيد.. تكومون لو اصيح على نعيم

غيث وهو مغمض:اشتعلت خالتك نعييم شجابك عليه..هسة انته شعليك ادخل جهنم صلاتي لو صلاتك

زيد:ولك خالي محمد على راسك حمار

غيث طفر:هااا خالي خير خوماكو شي مو عريس شجابك من الفجر..شنو سمعت خالي..بلع ريكه...

محمد:من اشتعلت خالتي..كوووم صلي

غيث كام:هاي كمت اعصابك خالي لا تتشجنج موزين عليك وانته عريس وخاسر طاقة هواي اكيد

نعيم:ولللك غويث