السلام عليكم ورحمة الله وبركاته
البارت ال13...
رواية ابناء السادة....(هبةُ السيد)
بقلمي اساور التميمي.....
اولاً الموضوع بالقصة للعبرة مو لنشر الفساد حتى تنتبه الامهات من البنات الي بالمدرسة...👍احذريهم....
من ضمن المتفاعلين بالفقرات baneen19822
واحب اشكر الكاتبة المبدعة على فزعتها المفاجئة الحلوة هي ومتابعينها Asawr_Hussein22
اساور حسين❤
بيت السادة....
آيات صارلها جم يوم ما مداومة معانده ابوها وهو معصب عليها حذرها اذا ترسب لو تقل درجاتها يحرمها من المدرسة عقاب...
هي ماهمها ما داومت وزعلانة عليه وماتحاجي..لأن راح يتزوج تكله اتزوج بس مو هاي مانريدها لا انه لا قاسم...
بيوم العرس كاعدة بغرفتها معبسة وعاقدة النونة..اجتها فاطمة عمتها...
فاطمة:شوكت تفضيها..كافي كالبة وجهج ترا اليوم عرسه مابيدج شي..وعليش هلكد مزعلة نفسج حياتج لو حياته..ماتزوج نور الهدى يتزوج غيرها يجوز اسوء واسوء من توقعج تطلع
آيات:ماريد هاي الحية المتلونة وتغير جلدها شوكت ماتريد..استخرت لهاي الزواجة ماتصير موزينة اله هاي..ويعرف هو بس معاند سيد محمد الا هاي لتكول مانخلق غيرها
فاطمة:انتي تردين هبة مو هيج..ابوج مو معاند آيو بس نفرضت عليه هدية مرة واجته..تعرفين شنو مرة يعني اذا يرفضها يكون اهان اهلها وابوها الي انطاها بديوان شكبره ترسه زلم..راح يكون نزل قدرهم وهمه كبرو قدره من هدو بتهم
آيات تريد تبجي:لا شكله حباها هاي..والا ليش قبل بيها يكدر يرفض بأحترام ويبرر موقفه..يعني شلون عقول عدهم بالله رجال يحبله بنية يروحون يكربسون براسه مرة والله هاك هاي هدية..عصبت..ساعة هي لو شيشة عطر الله ياخذ كل واحد هيج
فاطمة:لا ادعين على الناس الدعوة ترجعلج..انه اشوفه عادي يعني مامبين يحبها لو شي..حتى ماكعد وياها هواي كلهن جم مرة تنعد عالأصابع
آيات:شمدريج ماحبها سألتي..يمكن هي ساحرته وخلته يحبها
فاطمة:يالله عاد فكيها ولا تعصبين عليه انه شعليه..لا تظنين بالناس السوء السحر شرك بالله وهمه ناس مؤمنين يخافون الله شنو سحر..والحب مايجي بالسحر ولا اكبر سحر يسوي حب كله جذب وهم وشياطين
آيات:اسفة عمة ماقصدي اعصب عليج بس انه معصبة من ابوي..وعلى هبة..مقهورة زعلتها وهي همين عصبت عليها
فاطمة:كومي كشخي وفرحي وتونسي ماتسوة هيج كالبة وجهج..ابوج يبقه الكم ماتغيره مرة هو مو زعطوط لو مراهق..عقله اكبر منه...وهبة من اداومين اعتذري منها اعرفج تحبيها ماراح تخليها زعلانة عليج..ترا خطية هبة
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
