السلام عليكم
اللهم صل على محمد وآل محمد
عذروني امس مسافرين برة المحافظة ماكتبت قربنه للختام اتحملوني شوي ⚘️❤️
لا تنسون تعبي حبايب فرحوني بتفاعلكم تعليقات عالفقرات كلها
البارت ال53....
من رواية ابناء السادة(هبة السيد)
بقلمي اساور التميمي....
يالدربك عثر ماتصيرله جاره 🙂
هبة.....
هذا يا امه غبي وحمار وعاطل مخه داز ورقة بيد ابنه ولا بيها رقم تلفونه ويزحف على وحدة من بنات السادة ومنو مرت نعيم يبوووووو
هبة:حلو وحافظ شاماتها وهو وين شايفها..روح كل لأبوك هسة يحاجيك زوجها يعجبك هالحجي
نعيم طب من الباب احنه واكفين يمه:شنو هبة واكفة هنا..هذا السرسري شيسوي هنا
هبة:ضميت الورقة وراي:هااا ماكو فتحت الباب لأبو لسان يريد رضا يلعب وياه
الطفل:انه ماعليه عمو هو دزني
نعيم لزمه من فانيلته من وره:منو دزك وشنو الورقة الجايبها..سمعت ام شامات وماكو غير مرتي عدها شامات هنا
الطفل:عمو شعليه غير هو دزاني بيدي ورقة
نعيم عقد حواجبه وسحله من تشيرته:منو دزك ورقتيش
الطفل اشر عليه:عد خالة هبة الورقة دزاها ابوي لأم شامات كال انطيها
نعيم باوعلي:وين الورقة هبة
هبة خفت اسوي مصيبة بس يستاهل يتأدب هالغبي:لا تسوي مشكلة نعيم غبي مايسوة حتى مشكلة
نعيم فقد صبره:الورقة هبة
هبة طلعتها من وراي:هاي هي
نعيم بعده لازم هذا الطفل:شنو بيها..فتحها وقراها..باوع للطفل..هاي لأم شامات
الطفل:اي عمو مرتك
نعيم سحله يمين ويسار:مادام تعرف مزوجة روح كله لأبوك اليوم عمو نعيم يسويك ورقة..تركه بعصبية..طاح حظ هالتربية...زلم نعل
طلع من باب الحوش ظليت الطم وجهي..كلت عزااااا راح تصير مشكلة..بسرعة اخذت جهازي اخابر محمد يجي ولو مايلحك نعيم بس عالأقل انطي خبر يجي بسرعة...
خابرت محمد كتله الحك محمد نعيم راح لجيرانه ابو ماهر اكيد راح يضربه...
محمد اخترع:شصاير وليش يضربه
هبة:داز رقمه لريتال تحارش عينك عينك العار ونعيم طاح بالورقة راح متروس غضب
محمد:شننيي..جاي...
سداه بوجهي انه لزمت الباب يبوووو لا عمتي لا الولد..هسة بس لا يحوش ريتال الطشار وهي مالها ذنب هذا وين شايفها طاح حظه شلون جسارة وغباء يزحف على مزوجة وحتى لو ما مزوجة تفكير محصور......
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
