ابناء السادة(هبةُ السيد)

بارت 45

السلام عليكم حبايب ورمضان احلى وياكم ورمضان كريم عليكم وعلى امة محمد وآل محمد كل سنة وكل عام وانتم لله ورسوله وأهل بيته اقرب ❤️

البارت ال45....
من رواية ابناء السادة(هبة السيد)
بقلمي اساور التميمي....

هبة.....

اجه الخط رحت للدوام...اكو اثنين وراي بنية ولد اسمعهم..يحجون...ماهتميت سويت نفسي ماسمع شغلت نفسي عنهم...

الشاب:هيام هاي البنية ام العباية شنو مفتاحها اشو ما معبرتنه

البنية:باسل انسه مالها مفتاح..اكعد راحة هاي البنية مزوجة ماتشوف حلقتها بيدها تلمع

الشاب:يعني تظنين المزوجة يلزمها زوجها..اصبري شوفي اجيب راس اشرف بنية

البنية:هههه اكل تبن بالله..هاي انه وياك محد سحبني

الشاب:انتي غييير اخووج وياج..اسحله الي يجي يمج..هسة اراويج اجيبها اجيبها وشوفي

البنية: بالله روح جرب وشوف اتمنه تنسحل كرامتك بالكاع وادوسها بحذاءها هالبنية

الشاب:انجبي..اراهنج اجيبها..عجبتني مسوية بيها مؤدبة وتمشي عينها بالكاع....

اجه عليه وكف يمي عباله ماسمعهم..الهوى جاب سوالفهم يمي..ماضجت منه هذا الا امقته...اويلي لو يعرف محمد...

مارفعت راسي اله ابد وكأني ماشايفته هيج حسسته هو مخفي بالنسبة الي هيج نماذج مال احترام ولا تعتبريله وجود...

الشاب:السلام عليكم..ممكن انه واختي نكعد يمج

تركت قلمي:للي يسلم اجر 99 حسنة وهسة انته اخذتهن وانه واحد حسنة لو رديت..افضل انو ماخذها اذا انته ونماذجك يسلمون عليه

الشاب:شدعوة عليج وشنو وقاحة سلمنه ردي..ردنه نكعد يمج انه واختي..عليمن هالكلام ماسوينه شي يابه

هبة:مايحتاج تاخذ رأيي اذا تريد تكعد مكان انته واختك..ما اعتقد مسجلة بأسمي الكلية..والوقاحة انكم تظنون الي متمسكة بعبايتها مستشرفة وتبحث عن علاقة حرام ومدح من جنس آدم..خلقت حواء من ظلعه لذلك هو من يهتم بسترها ويراعي قلبها لأنها ظلعه..راعي اختك في اعراض الناس يا اخي المسلم...

كمت اخذت جنطتي وكتبي..انطيته مكفاي ورحت...اسمع البنية الي جانت تحاجي تضحك تكله احسنلك كرامتك انداست بالحذاء دورها بعد سنتين ماتلكاها....

هالحجي انه كاعدة بمقعد بنص الكلية وهمه كاعدين بالحديقة الوراي وصوتهم وصلي..او يمكن ماجانو يبينون الحجي عني...

ويكول يابه انته تكولها ومحمد يكولها شكد حلوة بلسانه من ينطقها...

طول الدوام قلق ماخذني محمد بالدوام وبالي يم عيونه..يستاهل كلشي حلو منو مثله