السلام عليكم مشتااااقتلكم موووت اسفة طولت عليكم بس جنت بأزمة نفسية بسبب التعب 💔
وهاي بارتين بواحد تعويض
البارت ال24.....
رواية ابناء السادة(هبةُ السيد)
بقلمي اساور التميمي......
خل انعش ذاكرتكم شوي تذكرون روحة ريتال ويه نعيم وماخلاها بالشارع من شردت من اهلها لتكولون نسينه الاحداث ترا والله ماتنسي💔😭....
ريتال......
مسحت دموعي تقبلت مصيري غصبن عليه..فتحت الباب مرية جبيرة بالعمر انه وره السيد واكفة وجسمي يرجف من يسمعون قصتي راح يصدكوني لو لا...
الحجية :هلاااا يمه نعيم..شلونك صحتك ماتسأل على اميمتك صارلك هواي ليش هيجي يمه
نعيم:حقج عليه حقج..بس مشاغل الدنيا لهتنه عنج..بس ماناسيج وغلاتج حجية
الحجية:الله يسعدك يمه ويحفظك من معزتك اعتب عليك..باوعت عليه..هاي شنو نعييم هاي منو مرتك..معرس ومادري وماحظرت عرسك
نعيم:ههه افه عليج اعرس ومازفيني بيدج واطشين جكليت الفرح انتي..جايج بموضوع مهم
الحجية:اي يمه سودة عليه وكفتك بالباب تفضلو تفضلو..ان شاء الله افرح بيك انته وماجد سويه
نعيم:ان شاء الله..تفضلي يابه..اشرلي ادخل...دخلت والخوف ساكني والتوتر وايديه ترجف..المرة من لاحظتني عدل شهكت على وجهي..توه جنت مدنكه ومغطية نص وجهي...
الحجية:يمه عزااا العزاك يا ظاهر ياهو هيج مسوي بالبنية..ومنو هاي نعيم يمه فهمني شصاير
نعيم:حجية جايج بطلب واعرفج بت اجاويد وناس معدلة..ماراح تصدكين سالفة هالبنية بس صارت بطريقي وماكدرت اخليها بالشارع قصتها عجيبة
ام ماجد:يمه بطن عيني انته وخطارك..وشتريد حاظرة..ودكت صدرها..بس فهمني شنو سالفة البنية خطية شوفتها تصعب عالكافر
نعيم:اول شي تعرفيني عدل وليدج ومن زغار انه وماجد اصدقاء واخوة وانتي اميمتي الماجابتني..اعزج واحترمج ولو ما اعرف ومأمن فلا اجيبها هنا
ام ماجد:يمه كتلك انته وليدي وبطن عيني..انته وماجد واحد الله شاهد واخلاقك مثل اخلاقه..والنعم منك سيد وابن الزهراء عليها السلام..سنين اطب علينه وانته وماجد واحد
نعيم:تسلم عينج..والنعم من اصلج...البنية صارت بطريقي وشكلها مظلومة والله شاهد على نيتي مساعدة وماكدرت اشوفها تبقه بالشارع وهي بنية....
حجالها كل قصتي وكل الصار وانه كاعدة اسمع شخص غريب يترأف بيه..دموعي تصب والرجفة ماتتركني ماحاسة بالأمان خايفة يقتلوني واخسر حياتي...
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
