ابناء السادة(هبةُ السيد)

البارت ال14

السلام عليكم

البارت ال14...
رواية ابناء السادة....(هبةُ السيد)
بقلمي اساور التميمي.....

قبل ماتقرون اريد اشكر كل شخص دعالي بالخير والصحة وكتبلي تعليق وكل تعليقاتكم تجنن واشكركم 😘 مالحك ارد عالكل بس كلكم اقرأ تعليقاتكم

تونسو بالبارت😍

هبة......

محمد كال بصوت رجولي خشن:انتي منو يابه..بنت من انتي...بيده سبحته...

ظليت صافنه ساكته ماعرف شجاوبه..وماعرف شكول..نعقد لساني...معقول نساني مايذكرني هل كثر تغيرت انه...

جمعت كلماتي بعقلي..وحركت شفايفي اريد انطق الكلمة..واسمع صوت حرمة وراه اجتي بيدها ابنه الي وياه جان بالعيادة...كلت مو طلكها مرته...

وسط صمتي وجية هالحرمة بيدها الطفل..اجت آيو وراها تكول انتظروني شوي تركضون ركض انتي وابوية...

آيات شهكت:هببببة...اجت ركض عليه حظنتني...

ياريتها ماحجت وماصاحت اسمي اشوف السيد يعرفني لو لا..بس فرحت بشوفة آيو..ضحكت بكلبي على تصرفاتها بعدها على تصرفات المراهقين...

ماباوعت للسيد ماريد اباوعله اكيد سمع اسمي بلسان آيوو...ابوي اجه..راح سلم عليه..ابوي يكله اليوم السيد بالبستان منور...سلم ابوي من بعيد عالبنات...راحو مناك هو والسيد...

آيات:ولج مشتاقتلج مووت شخبارج وشلون السادس

ابتسمت:انه ميته شوق عليج..السادس اكلان تبن حشه اليسمع خلصتي احسدج ههههه

آيات:الله يساعدج..تخلص ان شاء..صدك نسيت اعرفج اماني..مرت ابوي الثانية هههههه..اماني هاي هبة صديقتي وحبيبتي

اماني:طاح حظج هههههه..تشرفنه هبة الحلوة انه بت عمه لمحمد..آيات خابصتنه بسيرتج

كلبي انعصر مدري ليش يعني تزوج من جديد لو شنو ماسمعنه...بوستها وسلمت عليها...

هبة:الشرف الي..عالخير مبارك عليج زوجة السيد

اماني:ههههههههههه..خيه يا مبارك..آيات شاربة ماي سبلت..خيه انه بت عمهم اليوم جيتهم زيارة...محمد يريد يجي للبستان كلت اجي وياهم هو وآيات ورضاوي...متزوجة توني بس مو محمد هههههه

آيات:ههههههههه شبيج سكتي خوب خلي ننصب على هبة

مدري ليش فرحة نزلت بكلبي:عابت ليش تنصبين عليه هههههه

آيات:نشاقيج حبي هباوي..تعاي اماني كعدي..هبة هاي اخوي رضا الحلوو

وكفت على حيلي ابتسمت مديت ايدي اله:ياهلا بالسيد الصغير تشرفنه..انه هبة شسمك ياحلو

رضا فلت ايده من اماني:اسمي رضا..خجل لبد وراها

هبة:هههههه فدوة خجول السيد الزغير الحلو