السلام عليكم
البارت الرابع...
رواية ابناء السادة....(هبةُ السيد)
بقلمي اساور التميمي.....
سأل طفل ابوه هل الشيطان هو من يغرينا لفعل المعاصي يا ابي؟؟
الاب:نعم يغرينا ولكنه لا يجبرنا على فعلها...💔
.
.
.
.
.
.
بالديوان...
هو الحسينية مالتهم مو بس ديوان يعني يقام بيها عزاء الحسين بمحرم وبرمضان همين يقرأ عدهم سيد معمم ومجلس ليلية...
نعيم:شبيك محمد مهموم وضايج
محمد:ما مهموم الحمدلله رب العالمين على كل حال
نعيم:ههههه ليش احسك ضايج لأن راح تزوج..امي مارتاحت لمن قنعتك بالزواج..بس لا يجي ادور عليه..اذا على قويسم يرضه او وتالي بالأمر الواقع
محمد:لا قاسم مالع علاقة..وهي مو مسألة قناعة..بس الزواج نصف دين الرجال..مالازم ابقه بلا زواج..وانته بعد نعيم لازم تكمل دينك كبرت انته
نعيم:الله كريم انه ما ابالي هسة..يا اخي مرتاح هيج..بس اكلك ها البنية زغيرة محمد ماتصيرلك بت العم عمران خطية تبتلي بحمل زواج..اختارلك مرة بكدك فاهمة على معارفنه..كافي الاجاك من الماضي
محمد:ليش هي شكد عمرها..اختاريت من بنات عمي عمران اعرف تربيته..مايهمني الشكل ولا العمر..المهم امرأة صالحة...قال رسول الله صل الله عليه وآله وسلم...(من رزقه الله امرأة صالحة، فقد أعانه على شطر دينه، فليتّق الله في الشطر الباقي)
نعيم:اللهم صل على محمد وآل محمد..صدق رسول الله.. ماعرف شكد بالضبط عمرها امي ماكلتلك..اعتقد عمرها عشرين او 18 ماعرف
محمد:هي الحجية شحجت..كل كلمة وكالت ميصير اوصفها يمه..حجية ماكلت اوصفيها بس اخلاقها شلونها...وسهلة اذا عشرين جبيرة مو زغيرة...المهم تربية عمي عمران والنعم منها..اريد مرة تحفظ بيتها وزوجها بوجوده وغيابه..ماريد منها لا مظاهر ولا قوة جسد وتشتغل وتخدم..اريد مرة صالحة تربي جهالها تربية صالحة..جيل يخاف الله
نعيم:الله ينطيك على كد نيتك ياخوي..انته الشفته مو سهل وانته بزهوة شبابك..الله يعوضك..مايجوز عالميت بس الرحمة
محمد سكت ماجاوب يفكر....
هبة.....
مانامت عيوني ابد عبالك بيهن ملح..للصبح افكر موتني التفكير اشيل فكرة وتجي ثانية..ياترى هو همين مانام يفكر لو متوتر...
انه خايفة منه ومن كلشي..راح اصير متزوجة يعني امري مو بيدي..مثل ماعلمتني امي لازم المرة تحسب حساب لزوجها بكلشي..اذا تنام بعيد عنه او تمنعه من حقه تلعنها الملائكة...واذا طلعت من غير رضاه تلعنها الملائكة...
علمتني انو رضه الزوج الصالح عليها يدخلها الجنة..ياترا انه كد كل هاي..خايفة وميتة خوف..ماعرف شنو الحياة الزوجية ماعندي خبرة من الحواليه.. بس امي معلمتني كلشي من قبل كلشي فهمتني...
أنت تقرأ
ابناء السادة(هبةُ السيد)
Romansقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
