السلام عليكم
البارت الخامس...
رواية ابناء السادة....(هبةُ السيد)
بقلمي اساور التميمي.....
قد حل الظلام بسرعة يا امي
الام:اجل ياصغيرتي حتى تضيئي كالنجمة في سمائي💫...
شبه عيون هبة وحواجبها نسخة كلش كلش ونفس السمار❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبة....
ويه كل صفكة وهوسة اسمعها كلبي يزيد دكاته ورعبي يزيد..رجليه تتراكص من الرجفة...اندك الباب مرتين ماجاوبت ولا حجيت بقيت بمكاني متبنجة...
انفتحت الباب.. ماباوعت ناحية الباب ابداً دنكت راسي...ايديه ترجف...انطبكت الباب...
ويه طبكت الباب زادت رجفتي وخوفي..اسمعت بس الأحم احم..سمعت صوته كال السلام عليكم...
كمت على حيلي بصوت مخنوك:وعليكم السلام..مارفعت راسي..بس انتبهت لدشداشة بيضة وعليها عباية رجالية...وجهي متغطي بالطرحة...
شفته تقدم خطوات عليه...اندكت الباب رفعت راسي..دار وجهه للباب فتحه...
البنية المصورة:لزمتك محمد بداعة قويسم الحلو اخذلكم صور
محمد بضحكة خفة:ماتركيني بحالي انتي..يابه مانريد صور..شنو فايدتهن..حرمتي ماريد يشوفها احد ويكشف عليها
البنية:بالعباس محد يشوفها انه اغسل الفلم..محد يلمسه..يالله ابو قاسم لخاطر هباوي عروستك الحلوة خطية اكيد تريد ذكرى لعرسها..ترا مو بس عرسك هو..مو هيج عروستنه الجميلة...
ماجاوبت واكفة مثل الصنم..تحولت سدرة مزروعة بنص الغرفة فجأة وشادين عليها تول للمراد...لو يهزوها يطيح كومة نبك..قصدي خووف...
البنية اسمها زينب:شفت هزت راسها اي تريد صور..يالله ياخوي تعال اوكف ويه عروستك
محمد هز راسه بأبتسامة:امرنا لله شيخلصنه منج..الله يساعد الي راح تزوجينه
زينب:الله لا يساعده..هو وينه نايم يم امه ماظل نداء ماناديته نصيبي ابو بيتي ابن عمي..عيني ماي عيوني ماكو ماجه..بقه بس اصيحله نور دنيتي
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
